ЖОЖдор аралык кызматташтык жана орус тилин окутуунун усулдарын өнүктүрүү: Манас атындагы №90 мектептеги жолугушуу

2026-жылдын 21-майында Сузак районунун Манас атындагы №90 орто жалпы билим берүүчү мектебинин базасында Элдердин достугу университетинин (РУДН), Б.Н. Ельцин атындагы Кыргыз-Россия Славян университетинин (КРСУ), Б. Осмонов атындагы Жалал-Абад мамлекеттик университетинин (орус филологиясы кафедрасы) өкүлдөрүнүн, ошондой эле Сузак районунун мектептеринин орус тили жана адабияты мугалимдеринин катышуусунда биргелешкен илимий-методикалык жолугушуу болуп өттү.

Иш-чаранын негизги максаты — орус тилин эне тил эмес катары окутуунун актуалдуу маселелерин талкуулоо, кесиптик тажрыйба алмашуу, ошондой эле өнөктөш жогорку окуу жайлардын билим берүү жана илимий-методикалык мүмкүнчүлүктөрүн тааныштыруу болду.

Конок лекциялар менен орус тили жана аны окутуу методикасы жаатындагы алдыңкы адистер чыгышты:

1.     Айгерим Эрнисовна Эрнисова — филология илимдеринин кандидаты, КРСУнун Орус тили институтунун директорунун орун басары;

2.     Рафига Рашидовна Гумбатова — филология илимдеринин кандидаты, доцент, КРСУнун Орус тили институтунун бөлүм башчысы;

3.     Марина Николаевна Куновски — филология илимдеринин кандидаты, доцент, РУДНдун Орус тили институтунун №2 орус тили кафедрасынын башчысы;

4.     Ирина Александровна Диневич — филология илимдеринин кандидаты, доцент, РУДНдун Орус тили институтунун №2 орус тили кафедрасынын доценти.

Жолугушуунун жүрүшүндө катышуучулар орус тилин окутуунун заманбап ыкмаларын, окуучулардын окууга болгон мотивациясын жогорулатуу маселелерин, инновациялык билим берүү технологияларын киргизүүнү жана педагогдордун кесиптик чеберчилигин өркүндөтүүнү талкуулашты.

Иш-чаранын жыйынтыгында бардык катышуучуларга сертификаттар тапшырылды. Б. Осмонов атындагы ЖАГУнун ректорунун жана орус филологиясы кафедрасынын атынан Манас атындагы №90 мектептин директору Сулайманова Айсулуу Алымовнага педагогикалык ишмердүүлүктөгү үзүрлүү кызматташтыгы, иш берүүчү катары активдүү колдоосу жана студенттердин педагогикалык практика өтүүсү үчүн сапаттуу база түзүп бергени үчүн ыраазычылык кат тапшырылды.

Орус филологиясы кафедрасынын жамааты бул иш-чараны уюштурууга көмөк көрсөткөндүгү үчүн Сузак райондук билим берүү бөлүмүнүн башчысы Калчаев Ырысбек Өмүрзаковичке терең ыраазычылык билдирет.