Окуу бөлүмү жөнүндө

Окуу бөлүмү Кыргыз Республикасынын Өкмөтүнүн токтомунун, «Билим берүү жөнүндө» Кыргыз Республикасынын мыйзамдарынын, Кыргыз Республикасынын Билим берүү жана илим министрлигинин мыйзамдарынын мамлекеттик билим берүү стандартынын негизинде окуу процессин пландаштырууну жана уюштурууну камсыз кылуучу түзүмдүк бөлүм болуп саналат.

Жалал-Абад мамлекеттик университетинде билим берүүнүн жаңы технологияларын колдонуу менен өзүн өзү өнүктүрүү окуу-усулдук жана сапаттык көрсөткүчтөр боюнча алдыга жылып, алгылыктуу жыйынтыктарга жетишти. Окуу иштеринин процессин өркүндөтүүгө төмөнкү проректорлор: Жайлообаев Н.(1993-2004), Боркоев Б.М. (2004-2005), Алыбаев. К.С. (2005-2009), Усенов К.Ж. (2009-2016) 25 жыл ичинде иштеп, өз салымдарын кошушкан. 2016-жылдан бери техника илимдеринин доктору, профессор Алибаев Атабек Пахырович окуу иштери боюнча проректор болуп эмгектенип келет.

Окуу процессин өркүндөтүү үчүн тажрыйбалуу жетекчилер: А.Каримов, Б.Орозбаев, Э.Сатканкулов, У.Кудайназаров, М.Бабакулов, А.Эгембердиева, Ч.Исмаилова, З.Ажибаева, К.Ураимовдор өз салымдарын кошушкан. 2016-жылдын сентябрь айынан баштап окуу бөлүмүн биология илимдеринин доктору, профессор Сакбаева Зульфия Исраиловна жетектеп келет.

Бөлүмдө 6 тажрыйбалуу адистер (Мирзахмедова А., Эргешова Т., Мавлянов Н., Ирисова Г., Темирова А.,Мурзакметов Т.Т.) иш алып барышып, усулдук көрсөтмөлөрдү берип, билим берүүнүн заманбап багыттарын сунуштап келишет.

Окуу бөлүмү кредиттик технологиянын эки баскычтуу билим берүү системасына өткөндүгү боюнча бир катар иштерди аткарып, МТ жана КТТ менен биргеликте профессордук-окутуучулук курам үчүн семинарларды, тренингдерди өткөрөт. ЖАМУда AVN маалыматтык системасы киргизилип, студенттер менен мугалимдердин маалымат базалары автоматташтырылды. Билим берүүнүн сапатын жогорулатуу үчүн электрондук эсепке алуу киргизилип, тесттер жана студенттердин өз алдынча иштери AVN маалымат системасына жүктөлүп, модул, тест жана сынактар ​​«Компьютердик тестирлөө» аркылуу өткөрүлүүдө.

Окуу бөлүмүнүн негизги максаты – Кыргыз Республикасынын Өкмөтүнүн токтомдоруна, Кыргыз Республикасынын Билим берүү жана илим министрлигинин мыйзамдарына, Кыргыз Республикасынын Билим берүү жана илим министрлигинин мыйзамдарына ылайык Кыргыз республиканын социалдык-экономикалык өнүгүүсүнө теориялык жана практикалык жактан салым кошууга жөндөмдүү, окуу процессин эффективдүү пландаштырууну, уюштурууну, башкарууну жана контролдоону камсыз кылуучу жогорку квалификациялуу адистерди даярдоо. 

Окуу бөлүмүнүн функциялары

1. ЖАМУдагы окуу процессинин жүргүзүлүшүн уюштурат жана анын эффективдүүлүгүн жогорулатуу максатын көздөйт. Университеттин ченемдик-укуктук документтеринин талаптарына, ЖАМУнун Окумуштуулар кеңешинин чечимдерине жана окуу иштери боюнча проректордун көрсөтмөлөрүнө ылайык иштерди жүргүзөт;

2. Кафедралар жана декандар тарабынан түзүлүүчү окуу процессинин графиктерин, сабактардын жадыбалдарын, жайкы, кышкы сессиялардын жана өз алдынча иштердин графигин бекитүүнү камсыздайт;

3. Студенттерди курстан курска которууну, ЖОЖдон четтетүүнү, академиялык өргүү берүүнү жана башка ЖОЖдордон которулган студенттердин документтерин көзөмөлдөйт;

4. Экзамендик сессиялардын, АКЖнын жүрүшүн, МАКтын уюштурулушун жана алардын иштөө тартибин көзөмөлдөйт;

5. Профессордук курамдын окуу жүктөмдөрүнүн бөлүштүрүлүшүн, штаттык формулярды жана штаттык жадыбалды текшерет;

6. Сабактардын өз убагында өтүлүшүн көзөмөлдөйт жана сабактар ​​үзгүлтүккө учураган учурда тиешелүү чараларды көрөт;

7. Кафедралар тарабынан аткарылган иш-чараларды жана сабактарга өз ара катышууну анализдейт;

8. Документтердин бланкаларынын жаңы формаларын иштеп чыгып, басмаканага буюртма берип, факультеттерди, кафедраларды жана колледждерди камсыздайт;

9. Жаңы окуу жылына студенттердин контингентин тактоого катышат. ЖОЖдун студенттеринин жалпы санын, студенттердин окуу жылына карата кыймылын аныктап, ректорго жана окуу иштери боюнча проректорго тиешелүү аналитикалык сунуштарды даярдайт;

10. Студенттердин квалификациялык иштеринин аткарылышына жана алардын жыйынтыктарына анализ жүргүзөт;

11. Окуу жайдан чыгарылган студенттерге берилген академиялык тактамаларды толтуруунун тууралыгын текшерет жана аларды каттайт.