Академиялык саясат департаменти ЖАМУнун Окумуштуулар кеңешинин 2025жылдын 30-июнундагы №10 жыйынынын чечими менен түзүлгөн. Академиялык саясат департаментинин директору кызматына ЖАМУнун ректорунун №258.30.06.2025 буйругу менен п.и.к. доцент Турдубаева Бариса Майлыевна дайындалган.

Департаменттин курамына:

• Окуу бөлумү;
• Лицензиялоо, аккредитациялоо жана билим берүүнүн сапаты бөлүмү;
• Карьераны өнүктүрүү жана өндүрүштүк практиканы үюштуруу бөлүмү;
• Тест борбору;
• Атайын жана моблизациялык иштер боюнча бөлүмү кирет.

Академиялык саясат департаментинин иштөө багыты:

1. Педагогикалык кадрлардын билим жана окутуу сапатын жогорулатуу боюнча:

• Методикалык иштерди жакшыртуу

Максаты: педагогикалык жамааттын педагогикалык жана методикалык жактан деңгээлин жогорулатуу. Иш-чаралар:

• Заманбап окутуу технологиялары боюнча методикалык семинарларды, тренингдерди, мастер-класстарды үзгүлтүксүз өткөрүү .
• ЖОЖдун ичинде педагогикалык чеберчилик мектебин же профессордук-окутуучулар курамын академиялык өнүктүрүү борборун түзүү .
• Билим берүү программаларын, компетенцияларын жана баалоо каражаттарын иштеп чыгуу боюнча методикалык сунуштарды иштеп чыгуу жана ишке ашыруу.
• Окуу-методикалык материалдаргаички аудитжүргүзүп,экспертизадан өткөрүү.
• Сабактарды талдоо жана тажрыйба алмашуу максатында өз ара сабакка катышууну уюштуруу .

2. Окутуудагы инновациялык технологияларды ишке киргизүү

Максаты: Окуу процессин заманбап, интерактивдүү жана студентке багыттап уюштуруу. Иш-чаралар:

• Педагогикалык кадрларды санариптик билим берүү инструменттерин колдонуп окутуу (LMS Moodle, Google Classroom, Canvas ж.б.).
• Окутуунун активдүү ыкмаларын ишке ашыруу : кейс-стади, долбоорлоп окутуу , көйгөйдү чечүү, аралаш окутуу, flipped classroom.ж.б.
• Электрондук окуу курстарын , видеосабактарды жана санариптик билим берүү ресурстарын өнүктүрүү .
• Инновациялык ыкмаларды ишке ашырган мугалимдерге дем берүү (сынактар, сыйлыктар, рейтингдер аркылуу).

3. Билим берүүнүн сапатына ички контролдоо системасы

Максаты: Билим берүүгө,сабак өтүүгө ачык,айкын баа берүүнү жана объективдүү талдоону камсыз кылуу. Иш-чаралар:

• Окутуунун сапатына үзгүлтүксүз ички аудитти киргизүү (өз ара сабакка катышуу, студенттерди сурамжылоо, эксперттик комиссиялар).
• Педагогикалык кадрлардын ишинин натыйжалуулугун баалоонун рейтингдик системасын иштеп чыгуу (окутуунун сапатын, окутуунун усулдарын, басылмаларды жана инновацияларды эске алуу менен).
• Билим берүү программаларына ички мониторинг жүргүзүү жана анын жыйынтыгы боюнча оңдоолорду киргизүү.
• Департаменттин алдында билим берүүнүн сапаты боюнча кеңеш түзүү .

4. Квалификацияны жогорулатуу жана кадрдык ресурстарды өнүктүрүү

Максаты: мугалимдердин квалификациясын тынымсыз жогорулатуу. Иш-чаралар:

Окутуучуларга квалификациясын жогорулатуу боюнча жеке пландарды түздүрүү .

• Окутуучулардын кесиптик чеберчилигин жогорулатуунун ички жана сырткы курстарын уюштуруу (анын ичинде онлайн).
• Педагогикалык кадрларды окутуугатышкы эксперттерди жана практиктерди тартуу .
• Окутуучулардын илимий конференцияларга, стажировкаларга, түрдүү гранттарга катышууга жана академиялык мобилдүүлүккөкатышуусуна колдоо көрсөтүү .
• Тажрыйбалуу жана жаш мугалимдердин ортосунда насаатчылык системасын киргизүү .

5. Окуу пландары жана программалары менен иштөө

Максаты: Окутуунун мазмунун эмгек рыногунун талаптарына жана стандарттарына шайкеш келтирүү. Иш-чаралар:

• Компетенттүүлүккө негизделген мамилени эске алуу менен билим берүү программаларын кайра карап чыгуу жана жаңылоо .
• Практикага багытталган дисциплиналарды жана модулдарды окуу программаларга арбын киргизүү.
• Иш берүүчүлөр менен курстун мазмунун карап чыгуу .
• Бүтүрүүчүлөр жана иш берүүчүлөр менен окуу процесси боюнча кайтарым байланыш механизмдерин ишке ашыруу .

6. Окутуунун натыйжаларына үзгүлтуксүз мониторинг жана талдоо жүргүзүү

Максаты: окутуунун натыйжалуулугу жана объективдүү баалоо. Иш-чаралар:

• Окутуу натыйжаларын талдоо менен аралык жана жыйынтыктоочу текшерүүнү жүргүзүү
• Кафедралардын, институттардын жана окутуучулардын жетишкендиктерине салыштырма анализ.
• Билим сапатын жогорулатуунуниндикаторлорун иштеп чыгуу жана аналитикалык отчетту жыл сайын сайтка жарыялоо.
• Окуу процессин жакшыртууүчүн тестирлөөнүн натыйжаларын колдонуу .

7. Студенттер менен иштөө (кайтарым байланыш )

Максаты: Окутуунун сапатын баалоодо окуучулардын пикирин эске алуу. Иш-чаралар:

• Окутуунун сапаты боюнча студенттерден сурамжылоо жүргүзүү .
• Билим сапаты маселелери боюнча фокус-группаларды жана студенттик форумдарды уюштуруу .
• Студенттерди сапатты жогорулатууга активдүү катышууга мотивациялоо системасын иштеп чыгуу (мисалы, кафедралардын рейтингинде).

8. Мотивация жана мыкты мугалимдерди таануу

Максаты: Кесиптик өсүү жана сапатты көтөрүү үчүн шарттарды түзүү. Иш-чаралар:

• «Жылдын мыкты мугалими», « Жылдын рационализатору», «Жылдын методисти» наамдарын белгилөө.
• Билим берүүнүн сапаттык көрсөткүчтөрүн профессордук-окутуучулук курамдын сыйлоо системасына киргизүү.
• Ийгиликтүү тажрыйбаларды жана алдыңкы мугалимдер менен маектерди жарыялоо.

9. Санариптештирүү жана аналитика

Максаты: Башкаруу чечимдерин кабыл алуу үчүн маалыматтарды жана технологияларды колдонуу. Иш-чаралар:

• Билим берүүнүн сапатына мониторинг жүргүзүү үчүн маалыматтык технологиялык системаны өркүндөтүү.
• Окуу процессин автоматташтырууда жаңылыктарды киргизүү.
• Сапат динамикасын көзөмөлдөө үчүн АВНдин рейтинг системасын күчөтүү .

10. Академиялык маданият жана мугалимдик этика

Максаты: жогорку академиялык маданиятты өнүктүрүү. Иш-чаралар:

• Профессордук курамдын академиялык этика кодексине өзгөртүүлөрдү киргизүү.
• Мугалимдердин кесиптик тажрыйбалары, билим берүүдөгү жоопкерчилиги боюнча талкууларды, тегерек столдорду, мастер класстарды өткөрүү.
• Академиялык чынчылдык принциптерин колдоо (антиплагиат, туура баалоо, студенттерди сыйлоо).
• Студентти сүйгөн, баалаган,сыйлаган окутуучулардын чөйрөсүн түзүү

Академиялык саясат департаментинин ЖАМУнун институттары жана колледждери менен иш жүргүзүүсү

Институттарда, колледждерде билим берүүнүн сапатын башкаруу системасын өркүндөтүү

Эмне кылуу керек:

• Ар бир институткабилим берүүнүн сапатына жооптуу адамды (директордун орун басары же координатор) дайындоо.
• Ички мониторинг системасын ишке ашыруу: үзгүлтүксүз өзүн-өзү баалоо, ички аудит, студенттер менен иш берүүчүлөрдүн пикирлерин талдоо.
• Институттардан билим берүүнүн сапаты боюнча жылдык отчетторду талап кылуу (окуудагы жетишкендиктердин анализи, дисциплиналар, профессордук-окутуучулук курамдын жүктөмү, тестирлөөнүн жыйынтыгы ж.б.).

Натыйжа: университет боюнча бирдиктүү сапат стандарттары, объективдүү аналитика жана процессти көзөмөлдөө системасы түзүлот.

2. Академиялык пландоону күчөтүү

Эмне сунуш кылуу керек:

• Бардык окуу пландарынын жана программаларынын жаңыланган мамлекеттик билим берүү стандарттарына жана кесиптик стандарттарга шайкештигине баа берүү.
• Силлабустарды,баалоо каражаттарынын фондун жана дисциплиналардын компетенттүүлүк карталарын,матрицаларын жыл сайын жаңыртуу талабын киргизүү.
• Академиялык жүктөмдүн жана графиктин кредиттик системага ылайык келишин көзөмөлдөө.
• Документтин стандарттык шаблондорун иштеп чыгуу (силлабус, окуу куралы, жумушчу дептерлер ,мугалимдин отчету ж.б.).

Натыйжа: билим берүү программаларынын структураланган, ачык-айкын жана салыштырмалуу сапаты.

3. Кафедралардын жана профессордук-окутуучулар курамынын ролун жогорулатуу

Эмнени киргизүү керек:

• Милдеттүү бөлүм ичиндеги методикалык иштер (ай сайын жолугушуулар, тажрыйба алмашуу, жаңылыктарды талкуулоо).
• Кафедранын заседаниелеринде методикалык докладдар жана өз ара сабактарга катышуу.
• Институттардын деңгээлинде профессордук-окутуучулар курамынын рейтингин чыгарууну ишке ашыруу (окутуунун сапаты, басылмалар, инновациялар, студенттер менен иштөө).
• Мотивация: мыкты мугалимдерди сыйлоо (сертификат, бонустар, квалификациясын жогорулатуу).

Натыйжа: институттардын кесиптик-методикалык жашоосун активдештирүү.

4. Билим берүү процессин санариптештирүүнү күчөтүү

Эмнени ишке ашыруу керек:

• Бирдиктүү санариптик платформаларды колдонуу (Moodle, Google Classroom, Platonus, ж.б.).
• Электрондук журналдарды жүргүзүүнү жана отчетторду жүргүзүүнү талап кылуу.
• Мугалимдер үчүн АВНдеги ички порталды түзүүнү өркүндөтүү - окуу материалдарынын, графиктердин, курстардын жана отчеттордун маалымат базасын жаңылоо.
• Студенттердин электрондук баа алуудагы жетишүүсүнүн,катышуусунун системасына өзгөртүүкиргизүү (критерийлердин жана рубрикалардын негизинде).

Натыйжа: ачык-айкындуулук, башкаруунун жеңилдиги, тартипти жана эффективдүүлүктү жогорулатуу.

5. Илимий-изилдөө жана долбоордук иштерди өнүктүрүү.

Эмне сунуш кылуу керек:

• илимий-изилдөө иштеринин жылдык планы жана жыйынтыгы боюнча отчет болушу керек .
• Институттук гранттарды киргизүү (студенттер жана окутуучулар үчүн чакан илимий долбоорлор).
• Жарыялоо ишин стимулдаштыруу (ички журналдар, конференциялар, жыйнактар).
• Студенттик илимий коомдорду (СНС) жана илимий клубдарды ишке киргизүү.

Натыйжа: илимий потенциалдын өсүшү, студенттердин изилдөө компетенциясынын өнүгүшү.

6. Иш берүүчүлөр менен иштөө жана практикага багытталган окутуу.

Эмне уюштуруу керек:

• Практикалар үчүн келишимдик базаны жаңыртуу.
• Институттарда иш берүүчүлөр кеңештерин түзүү.
• Практиктерди дисциплиналарды окутууга жана мастер-класстарды өткөрүүгө тартуу.
• Долбоорлоп окутууну киргизүү – студенттер чыныгы жашоодогу бизнес көйгөйлөрүн чечет.

Натыйжа: билим берүүнүн эмгек рыногу менен байланышы, бүтүрүүчүлөрдүн ишке орношуу мүмкүнчүлүгүн жогорулатуу.

7. Академиялык этика жана маданият

Эмнени ишке ашыруу керек:

• Институттарда академиялык чынчылдык (антиплагиат, баалоо этикасы) боюнча тренингдерди өткөрүү.
• Бардык жыйынтыктоочу жана квалификациялык иштер үчүн плагиатка каршы текшерүүчү жаңы программаларды киргизүү .
• Академиялык этика кодексин кабыл алуу жана ар бир институттарга жайылтуу .

Натыйжа: жоопкерчиликтүү жана чынчыл академиялык чөйрөнү калыптандыруу.

8. Отчет берүү жана кайтарым байланыш системасы

Эмне талап кылуу керек:

• Жарым жыл сайын институттардын отчеттору: окутуунун сапаты, окуу пландарын ишке ашыруу, профессордук-окутуучулар курамынын басылмалары, тесттин жыйынтыгы, квалификациясын жогорулатууга катышуу.
• окутуунун сапаты,
• окуу пландарын ишке ашыруу,
• профессордук-окутуучулар курамынын басылмалары,
• тесттин жыйынтыгы,
• квалификациясын жогорулатууга катышуу.
• Жетишкендиктерди жана көйгөйлөрдү талдоо үчүн директорлор жана кафедра башчылары менен жолугушууларды өткөрүү.
• Институттун рейтингдик системасын киргизүү (сапаттык жана сандык критерийлердин негизинде).

Натыйжа: институттардын ишинин башкаруучулук жана айкындуулугун жогорулатуу.

9. Кадрларды өнүктүрүү

Эмнени ишке ашыруу керек:

• Профессордук курамдын квалификациясын жогорулатуу жана аттестациялоо боюнча институттардын жылдык пландарды тапшыруу
• Жаш мугалимдердин кадр резервин өнүктүрүү.
• Педагогикалык кадрларды өнүктүрүүнүн жеке пландарын киргизүү.

Натыйжа: квалификацияны жогорулатуу жана кадрларды жаңылоо.

10. Уюштуруу-башкаруу чаралары

Сунуш кылабыз:

• Институттардын жана кафедралардын структурасын эффективдүүлүктү жана жумуштун көлөмүн эске алуу менен карап чыгуу .
• Документ жүгүртүүнүн заманбап стандарттарын (бирдиктүү шаблондор, жоболор) киргизүү.
• Ички байланыш системасын уюштуруу - үзгүлтүксүз жолугушуулар, аткарылган иштер боюнча отчеттор, биргелешкен чечимдер.

Натыйжа: түзүмдөрдүн тартиби, ырааттуулугу жана жоопкерчилиги жогорулады.

Б.Осмонов атындагы ЖАМУнун институттарын 2025-2027-жылдарга өнүктүрүү программасын түзүү, анда:

• бирдиктүү KPI (негизги натыйжалуулук көрсөткүчтөрү) белгиленет,
• сапаттуу иш планы,
• мониторинг жана мотивация системасы.

Б.Осмонов атындагы ЖАМУнун институттарын жаңы талаптарга ылайык өнүктүрүү программасы (2025–2027)

Ишке ашыруу мөөнөтү: 2025–2027-жылдар. Максаты: Университеттин бирдиктүү стратегиясынын алкагында билим берүүнүн, илимий ишмердүүлүктүн жана башкаруу процесстеринин сапатын жогорулатуу.

1. Программанын жалпы максаттары

• Окуу процессинин сапатын жогорулатуу.
• Илимий-изилдөө иштерин өнүктүрүү.
• Колледждер менен институттарды башкаруу системасын жакшыртуу.
• Профессордук курамдын жана кызматкерлердин профессионалдык өсүүсүн стимулдаштыруу.
• Эл аралык кызматташтыкты жана университеттин аброюн чыңдоо.

2. KPI (натыйжанын негизги көрсөткүчтөрү)