Доцент Д.Т. Айылчиеванын эл аралык деңгээлдеги жогорку педагогикалык чеберчилигине ыраазычылык

Г.Р. Державин атындагы Тамбов мамлекеттик университети доцент Д.Т. Айылчиевага жогорку кесипкөйлүгү, педагогикалык чеберчилиги жана студенттерди V Эл аралык Державин олимпиадасына сапаттуу даярдоого кошкон олуттуу салымы үчүн чын жүрөктөн ыраазычылык билдирди.

2026-жылдын 24-апрелинде Айылчиева Д.Т. студенттери менен биргеликте Эл аралык Державин олимпиадасынын экинчи туруна катышып, анда студенттер Б.Осмонов атындагы ЖАМУин эл аралык деңгээлде татыктуу түрдө көрсөтүштү. Олимпиадага Кытай, Армения, Казакстан, Өзбекстан жана Кыргызстан өлкөлөрүнөн студенттер катышып, иш-чаранын жогорку статусун жана кең географиясын дагы бир жолу тастыктады.

Мелдештин жыйынтыгы боюнча 1-курстун студенти Мехманходжаева Д. III даражадагы дипломго ээ болуп, орус тилин мыкты өздөштүргөнүн жана терең билимге ээ экенин көрсөттү. Ал эми Рябикина К. катышкандыгы үчүн диплом алып, университеттин атынан татыктуу чыгып, академиялык өнүгүүгө умтулуусун көрсөттү.

Бул жыйынтыктар педагогикалык иштин натыйжалуулугун, кесиптик компетенттүүлүктү жана студенттерди системалуу даярдоону айкын далилдеди. Д.Т Айылчиеванын эмгеги бааланып, Г.Р. Державин атындагы Тамбов мамлекеттик университети тарабынан ыраазычылык каты тапшырылды.

Кафедра жамааты Айылчиева Дилара Турсуналиевнаны татыктуу сыйлыгы менен чын дилден куттуктап, мындан аркы ийгиликтерди, жаңы жетишкендиктерди жана студенттеринин жаркын жеңиштерин каалайт!