ОТс-1-22 жана ОТс-2-22 тайпаларынын студенттери үчүн кесиптик-базалык практиканын натыйжалуулугун камсыздоого багытталган уюштуруу конференциясы

2026-жылдын 17-мартында ОТс-1-22 жана ОТс-2-22 тайпаларынын студенттери үчүн кесиптик-базалык практиканы уюштуруу жана өтүү маселелерине арналган уюштуруу конференциясы өткөрүлдү. Иш-чаранын жүрүшүндө студенттер алдыдагы практиканын максаттары, милдеттери жана мазмуну, ошондой эле аны ийгиликтүү өтүү үчүн коюлган талаптар боюнча кеңири маалымат алышты.

Конференциянын ишине практиканы уюштуруу жана карьераны өнүктүрүү бөлүмүнүн инспектору Жолдошалиева Нурия Султановна да катышып, студенттердин практикалык даярдыгынын маанисин белгилеп, практиканы ийгиликтүү өтүү жана келечектеги кесиптик өнүгүү боюнча сунуштарын берди.

Кириш сөз менен практикага жооптуу, улуу окутуучу Сулейманова Т.А. чыгып сүйлөп, практиканы уюштуруунун негизги маселелерин, өтүү мөөнөттөрүн жана студенттерге коюлуучу негизги талаптарды белгиледи.

Кафедра башчысы Жусупова А.А. өз сөзүндө отчеттук документтерди даярдоо жана тариздөө тартибин кеңири түшүндүрүп, практиканын жыйынтыктарын баалоо критерийлери менен тааныштырып, тапшырмаларды натыйжалуу аткаруу боюнча практикалык сунуштарды берди.

Улуу окутуучу Алимаматова Д.А. кесиптик этика, тартипти сактоо, ошондой эле практиканын базаларында жетекчилер жана жамаат менен өз ара аракеттенүүнүн өзгөчөлүктөрүнө өзгөчө көңүл бурду.

Уюштуруу конференциясын өткөрүү студенттердин практикага даярдыгын жогорулатып, алдыдагы ишмердүүлүктү так түшүнүүгө жана жогорку жыйынтыктарга жетүүгө багыт берди.