№4 орто мектеби менен Филология институтунун кызматташуусу: студент-практиканттарга методикалык жардам

2026-жылдын 11-мартында Манас шаарындагы №4 орто жалпы билим берүү мектебинде «Орус тили жана адабияты» профили боюнча студент-практиканттар менен методикалык жолугушуу өттү. Орус филологиясы кафедрасынын доценти Айылчиева Д.Т. РЯЛ-1-23 тайпасынын студенткалары Сатаралиева Г., Эркинбекова А. жана Маматова З. үчүн консультация өткөрдү. Алар учурда профессионалдык-базалык педагогикалык практикада.

Жолугушуунун жүрүшүндө заманбап интерактивдүү окутуу ыкмалары, зачеттук сабакты даярдоо жана өткөрүүнүн өзгөчөлүктөрү, ошондой эле окуу процессин натыйжалуу уюштуруу маселелери талкууланды. Студенттер инновациялык педагогикалык технологияларды колдонуу боюнча баалуу сунуштарды алышып, сабактарды эффективдүү өткөрүү жана окуучулардын катышуусун жогорулатуу ыкмаларын өздөштүрүштү.

Айрыкча практиканттардын ишине байкоо жүргүзүүгө басым жасалды: Айылчиева Д.Т. практиканттар өткөргөн сабактарды барып көрүп, талдоо жүргүздү, күчтүү жактарын белгилеп, педагогикалык чеберчиликти өркүндөтүү үчүн конструктивдүү сунуштарды берди.

Мектептин методисттери Сатаралиева Г., Эркинбекова А. жана З.Маматованын педагогикалык ишке болгон жоопкерчилигин, демилгелүүлүгүн жана кесипкөй мамилесин жогору баалашып, алардын ишине ыраазычылык билдиришти.

Мындай жолугушуулар студент-практиканттар үчүн абдан маанилүү: алар мектеп менен университеттин кызматташуусун чыңдоого гана эмес, баалуу методикалык сунуштарды алууга, педагогикалык көндүмдөрдү өнүктүрүүгө жана теориялык билимдерин мектеп практикасына ишенимдүү колдонууга мүмкүнчүлүк берет.