Орус филологиясы кафедрасында ОТмс-1-24 тайпасынын магистранттарынын илимий-изилдөө практикасы боюнча жыйынтыктоочу конференциясы болуп өттү
Филология институтунун орус филологиясы кафедрасында ОТмс-1-24 тайпасынын магистранттарынын илимий-изилдөө практикасынын жыйынтыгы боюнча конференция өткөрүлдү. Иш-чара магистрдик изилдөөлөр боюнча отчетторду ачык коргоо форматында өтүп, келечектеги адистердин кесиптик калыптанышындагы маанилүү этап болду.
Конференциянын жүрүшүндө магистранттар өздөрүнүн илимий иштеринин жыйынтыктарын сунуштап, теориялык даярдыгынын жогорку деңгээлин жана филологиялык талдоонун заманбап ыкмаларын өздөштүргөндүгүн көрсөтүштү.
Баяндама жасашты: Жылдызбекова Айперим — «“Дин” концепти лингвомаданият таанууда» (жетекчиси: Калмурзаева А.А.); Асилбек кызы Айдай — «В.Я. Брюсовдун котормочулук жана поэтикалык чыгармачылыгынын өзгөчөлүктөрү» (жетекчиси: Алымкулов А.А.); Камбарова Зувайда — «Лингвомаданият таанууда сүйлөө жүрүм-турумунун гендердик аспекти» (жетекчиси: Калыбекова З.С.); Нуркамилова Тамара — «Ч. Айтматовдун чыгармаларында экологиялык кырсыктын чагылдырылышы» (жетекчиси: Айылчиева Д.Т.); Сыргаева Жумагул — «Кыргыз лингвомаданиятында “ат” концепти» (жетекчиси: Айылчиева Д.Т.); Эргешова Элнура — «COVID-19 пандемиясы мезгилиндеги орус жана кыргыз тилдериндеги неологизмдер» (жетекчиси: Айылчиева Д.Т.); Мамасадикова Махлие — «Кыймылдоо каражаттарынын жана ыкмаларынын аталыштары катышкан фразеологизмдердин улуттук өзгөчөлүгү (орус жана кыргыз тилдеринин материалында)» (жетекчиси: Калыбекова З.С.); Суранова Майрамкан — «Функционалдык-семантикалык талаа лингвистикалык талдоонун объектиси катары» (жетекчиси: Зулпукаров К.З.).
Конференциянын жыйынтыгында магистранттар илимий материалды өз алдынча талдоо, өз көз карашын жүйөлүү коргоо жана алган билимдерин изилдөө практикасында колдонуу жөндөмдөрүн ийгиликтүү көрсөтүшкөнү белгиленди.
Мындай иш-чаралар магистранттардын илимий маданиятын өнүктүрүүгө, изилдөө компетенцияларын калыптандырууга жана орус филологиясы кафедрасынын академиялык салттарын бекемдөөгө өбөлгө түзөт.
