РЯЛ-1-25 тайпасында буллинг жана суициддин алдын алуу боюнча тарбиялык саат

Үй-бүлөлүк зомбулуктун, жашы жете электер арасындагы кылмыштуулуктун жана суициддин алдын алуу боюнча иш-чараларды натыйжалуу ишке ашырууга багытталган жылдык иш планынын алкагында 2026-жылдын 10-февралында РЯЛ-1-25 тайпасында өспүрүмдөр жана жаштар арасындагы буллинг жана суициддик жүрүм-турум маселелерине арналган тарбиялык саат өткөрүлдү. Иш-чаранын темасы: «Буллинг жана суицид: алдын алуу, аныктоо жана колдоо көрсөтүү».

Студенттер статистикалык маалыматтарды камтыган мазмундуу презентация даярдап, «буллинг» жана «суицид» түшүнүктөрүнүн маанисин ачып беришти, алардын келип чыгуу себептерин жана алдын алуу жолдорун талкуулашты. Иш-чаранын жүрүшүндө тематикалык видеороликтер колдонулуп, ошондой эле студенттер өздөрү тарткан видеоматериал көрсөтүлдү. Бул катышуучулардын чоң кызыгуусун жаратып, активдүү талкууга түрткү болду.

Иш-чаранын башында Филология институтунун директору ф.и.к. Асылбекова Ч.А. куттуктоо сөзү менен чыгып, студенттик чөйрөдө алдын алуу иштеринин маанисин, өз ара сый-урмат маданиятын жана өз өмүрүнө жоопкерчиликтүү мамиле кылуунун зарылдыгын белгиледи.

Тарбиялык сааттын негизги максаты — билим алуучуларда өз өмүрүнө жоопкерчиликтүү мамиле калыптандыруу, толеранттуулукту өнүктүрүү, бири-бирин колдоого жана айланасындагылардын жүрүм-турумундагы кооптуу белгилерди өз убагында таанууга үйрөтүү болду.

Иш-чаранын ардактуу коноктору катары англис тили кафедрасынын башчысы п.и.к. Жолдошбаева Ы.К., орус филологиясы кафедрасынын башчысы ф.и.к. Жусупова А.А., ошондой эле кафедранын профессордук-окутуучулук курамы катышты.

Иш-чаранын соңунда п.и.к. Жолдошбаева Ы.К., улуу окутуучу Сулейманова Т.А. жана топтун куратору ф.и.к. Айылчиева Д.Т. сөз сүйлөп, теманын актуалдуулугун жана студенттердин даярдыгынын жогорку деңгээлин белгилешти.

Өткөрүлгөн тарбиялык саат студенттердин буллинг жана суицид маселелери боюнча маалымдуулугун жогорулатууга жана студенттик чөйрөдө алдын алуу иштерин чыңдоого өбөлгө түздү.