Орус тили жана адабияты боюнча класстан тышкаркы иш-чараларды өткөрүү методикасы деген темада семинар

2025-жылдын 20-ноябрында Жалал-Абад мамлекеттик университетинин орус филологиясы кафедрасынын окутуучулары Сулейманова Т.А. жана Алимаматова Д.А. Сузак районундагы Н.Алыкулов атындагы №71 жалпы билим берүүчү орто мектебинде класстан тышкаркы иш-чараларды өткөрүү методикасы боюнча семинар өткөрүштү.

Семинар жогоруда аталган мектепте практика өтүп жаткан 4-курстун студенттери үчүн өткөрүлдү.

Семинардын жүрүшүндө класстан тышкаркы иштерди уюштуруунун негизги методикалык принциптери, иш-чаралардын типологиясы, окуучуларды активдештирүүнүн заманбап ыкмалары, ошондой эле чыгармачылык долбоорлорду даярдоонун жана өткөрүүнүн практикалык формалары менен ыкмалары каралды.

Катышуучуларга предмет боюнча класстан тышкаркы иш-чаралардын сапатын жогорулатууга багытталган методикалык сунуштар, сценарийлердин үлгүлөрү жана натыйжалуу технологиялар сунушталды.

Семинар студент-практиканттардын кесиптик компетенттүүлүгүн жогорулатуу, методикалык көндүмдөрүн өркүндөтүү жана мектеп окуучулары менен иштөөнүн чыгармачылык формаларын өнүктүрүү максатында өткөрүлдү.

Семинар ийгиликтүү, кесиптик тажрыйба алмашуу маанайында өтүп, угуучулардын кызыгуусун жана активдүү катышуусун жаратты.