"Инновациялык химия: Заманбап изилдөөнүн жана илимдин мейкиндиги" 

Э.Уметов атындагы ПИнин,​Табигый-илимий билим берүү кафедрасын да "Органикалык эмес химия жана жаны заттарды синтездөө" илимий лабораториясы өз ишин жүргүзүп келет.

​Лабораторияны тажрыйбалуу адис, улук окутуучу Мунара Эргешалиевна жетектейт. Анын жетекчилиги астында лабораторияда окуу-усулдук жана илимий-эксперименттик иштер эл аралык стандарттарга ылайык жүргүзүлөт.

​Лаборатория жогорку тактыктагы заманбап химиялык жабдуулар менен камсыздалган. Бул аппараттар заттардын структурасын, концентрациясын жана физика-химиялык параметрлерин микро-деңгээлде аныктоого мүмкүндүк берет.

Лабораторияда:

-фотоэлектроколориметрлер жана спектрофотометрлер;

-аналитикалык таразалар;

-​муфель мештери жана кургаткыч шкафтар:

​ -титрлөөчү жана ионометриялык системалар бар.

​Лабораториянын артыкчылыктуу багыттарынын бири — суунун сапатын жана химиялык курамын изилдөө. Тактап айтканда

​суунун катуулугун (туздуулугун) аныктоо: Суудагы кальций жана магний иондорунун концентрациясын комплексонометриялык методдор менен изилдөө;

​О.э. ичүүчү жана чарбалык суулардын курамындагы эриген туздардын өлчөмүн аныктоо. Ар кандай химиялык реакциялар аркылуу жаңы органикалык эмес комплекстерди алуу жана алардын касиеттерин теориялык негиздөө.

​Бул лаборатория илимий кадрларды даярдоонун борбору болуп саналат. Кафедранын бүтүрүүчү студенттери жана жаш изилдөөчүлөрү илимий кандидаттык иштерин дал ушул жерде жүргүзүп, маанилүү илимий жыйынтыктарды алышкан. Студенттер үчүн илимий лаборатория — бул теориялык химияны практикалык илимге айландыруучу, алгачкы илимий макалаларын жазууга негиз берүүчү инновациялык чөйрө.