Жаңы жылга карата кече өткөрүлдү

Филология факультетинин немец тил жана факультеттер аралык чет тили кафедрасында бир топ жылдан бери “Talking club” (Баарлашуу) ийрими иштеп келүүдө. Ийримдин иш-планынын негизинде медицина факультетинин Лдк-1-24, Лдк- фарм-2-24 тайпаларынын студенттери жаңы жылга карата кече өткөрүштү. Өздөрүнүнүн билген билимин, үйрөнгөн өнөрүн эл алдына тартуулашты. Куттуктоолор, англия элинин бийлерин бийлешти. Көркөм окуу, обондуу ырлар  ырдалды. Жаңы жылдык шөкөттөлгөн формалар менен аткарышты. Аткаруучуларды залдагы көрөрмандар колдоп, кубаттап турушту. Айрыкча, Абдыкаимова А., Аманова Р., Акимов С., Максатбекова Ж. обондуу ырларды англис тилинде мыкты ырдашты. Аталган кечеге кафедранын окутуучулары катышып, жыйынтыгында кафедранын улуу окутуучусу Д. Асылбекова: “Кече жогорку деңгээлде өттү” - деп баалады. Ийримдин жетекчиси Н. Тургунбаеванын ишин баалап, доцент Ч. К. Абдыкалыкова активдүү катышуучуларга кең келечек каалап, факультет тарабынан берилген грамоталар менен сыйлады.