Биз экстремизм жана терроризмге каршыбыз

9-февраль күнү маданияттар аралык байланыш жана лингвистика кафедрасында ЛАк-1-23, ЛАк-1-20 тайпаларынын кураторлору Р.А.Эргешова жана М.М.Аттокурова “Биз экстремизмге жана терроризмге каршыбыз” деген темада ачык тарбиялык иш-чара өткөрүштү. Иш-чаранын биринчи бөлүгүндө 1-курстун студенттери тарабынан тартылган видеотасма көрсөтүлдү. Андан соң 1-курстун студенттери экстремизм жана терроризм деген эмне экенин кеңири тааныштырып, бул түшүнүктөрдүн айырмасын баса белгилеп, экстремизм менен терроризмдин пайда болуу себептерине, терс таасирине токтолушту. Андан соң иш-чарага экинчи жана үчүнчү курстун студенттерин тартуу максатында “Суроо-жооп” интерактивдүү ыкмасы колдонулду. Тарбиялык иш-чаранын соңунда 4-курстун студенттерине радикализм, экстремизм жана терроризмди чагылдырган видеотасма көрсөтүлдү.