Кайрымдуулук - сооптордун казынасы

Филология факультетинин маданияттар аралык байланыш жана лингвистика кафедрасынын Лак-1-23 тайпасынын студенттери куратору менен биргеликте ноябрь айында кайрымдуулук иш-чарасын уюштурушту. Бул иш-чаранын негизги максаты – карыялардын    көңүлүн көтөрүп, колдоо көрсөтүү болгон. Студенттер үч командага бөлүнүп, төмөнкү иштерди аткарышты:

Биринчи команда :

Усонова Кундуз  (76 жашта), көзү начар көргөн жана ооруп калган энеге барып колдоо көрсөтүп , көңүлүн көтөрүп келишти.

Экинчи команда:

85 жаштагы, өзү жалгыз жашаган эненин үйүнө азык-түлүк алып барып, эненин көңүлүн көтөрүп, чыныгы боорукердикти көрсөтүштү.

Үчүнчү команда:

Алимбекова Калыскан (64 жашта), биринчи топтогу майыптык менен инсульттан жабыркаган энеге барып моралдык жактан колдоо көрсөтүп келишти.

Бул иш-чара студенттердин боорукердиги менен жылуу мамилесинин жаркын үлгүсүн көрсөттү.  Мындай кайрымдуулук иштери чыныгы адамдык баалуулуктарды жайылтып, башкаларга да үлгү болот деп  үмүттөнөбүз.