КТ-1-23 тайпасынын студенттерин кесиптик-базалык практикага жиберүү алдындагы конференциясы

2026-жылдын 6-февралында Филология институтунун КТ-1-23 тайпасынын студенттери үчүн кесиптик-базалык практикага жиберүү алдындагы багыттоочу конференциясы болуп өттү. Иш-чара студенттердин теориялык билимдерин өндүрүш менен айкалыштыруу жана кесиптик көндүмдөрүн арттыруу максатында уюштурулду.

Конференцияга кафедра башчысы, практика боюнча жооптуу жетекчилер жана окутуучулар курамы катышты. Жыйында студенттерге алдыдагы практиканын мөөнөттөрү, өтүү тартиби жана коюлган негизги талаптар тууралуу кеңири маалымат берилди.

Кафедра башчысы өз сөзүндө кесиптик-базалык практика — бул келечектеги адистин пайдубалын түптөөчү маанилүү этап экенин баса белгиледи. Практика жетекчилери студенттерди жоопкерчиликтүү болууга, заманбап технологияларды өздөштүрүүгө жана алган билимдерин практикалык иштерде натыйжалуу колдонууга чакырды.

"Практика — бул жөн гана окуу планынын бир бөлүгү эмес, бул студенттин эмгек рыногуна алгачкы кадамы. Ар бир студент өзүн мыкты жагынан көрсөтүп, тажрыйба топтоосу зарыл" - деп белгилешти жетекчилер.

Конференциянын соңунда студенттер өздөрүн кызыктырган суроолорго жооп алышты. Бул практиканын жыйынтыгы менен студенттер өндүрүштүк процесстерди ичинен таанып-билип, өздөрүнүн кесиптик деңгээлин жогорулата алышат.