“Ырдын пири” Рыспай Абдыкадыров

Үстүбүздөгү жылдын 26-январында белгилүү  композитор, обончу, “Ырдын пири” Рыспай Абдыкадыровдун туулган күнүнө карата областтык китепканада  эскерүү кечеси болуп өттү. Бул эскерүү кечесине Рыспай агайдын замандаштары, кесиптештери, шакирттери келип катышты. Белгилүү обончунун ырларын аткарышып, ал кишинин адамгерчилиги, жөнөкөйлүгү, эсте калган жаркын элестер менен бөлүштү. Филология факультетинин кыргыз тили жана адабияты кафедрасынын Кт-1-23 тайпасы бул эскерүү кечесине катышып,  Рыспай Абдыкадыров боюнча толук маалымат алып, суроолорго жооп берип, китептерди белекке алышты.