Илимпоз Мирзахидова  Муяссар Иномжановна КӨЭАУда конокто

Кечээ, 13-январь күнү, Б.Осмонов атындагы ЖАМУнун кыргыз тили жана адабияты кафедрасынын профессору, филология илимдеринин доктору М.И.Мирзахидова Ош шаарына иш сапары менен келди.

Илимпоз эжекени окуу жайдын магистратура бөлүмүнүн башчысы, п.и.к., доцент Тилекова Назира, педагогика кафедрасынын башчысы, п.и.к., доцент Кадырова Мукаддам эжекелер жана докторант-аспиранттар күтүп алышты.

Профессор Кыргыз-өзбек эл аралык университетинин жаш окумуштуулары жана аспиранттарына “Изилдөөнүн маданияты” темасында доклад окуп, изилдөөчүлөрдүн суроолоруна жооп берди, талкуу, баарлашуу кызыктуу болду.

Айрыкча, жаш аспиранттардын илимий макалаларды жазуунун эрежелери, диссертация жазуудагы кыйынчылыктар, жаңы талаптары, Scopus, Web of Science, РИНЦ сыяктуу журналдарга макалаларды жарыялоо көйгөйлөрү, эл аралык журналдарга макала жарыялоодо илимий ишти жазуунун ыгы-жолу, изденген тематика боюнча материалдардын топтолушу жана илимий макалалардын мазмуну, илимий макалалардын эл аралык стандартка жооп бериши тууралуу кеңири маалымат берди. Аталган темадагы маалыматтар ар бир жаш изилдөөчүгө чоң багыт берери шексиз.

Биз  мазмунду доклад үчүн филология илимдеринин доктору, профессор М.И.Мирзахидовага өзүбүздүн ыраазычылыгыбызды билдиребиз.