“КУТ БИЛИМ”, АЛГА!

Б.Осмонов атындагы ЖАМУнун филология факультетинин кыргыз тили жана адабияты профилинин 3-4-курстарынан түзүлгөн “Кут билим” тобу  КР Улуттук телерадиоберүү корпорациясы, КР Президентине караштуу Мамлекеттик тил жана тил саясаты боюнча улуттук комиссиянын республикалык ЖОЖдор арасында өткөн студенттердин “БИЛГИ” интеллектуалдык теледолбоорунун финалында 2-орунду ээлеп, 150000 сомдук акчалай сыйлыкка ээ болушту.

 Ар бир студент II даражадагы диплом жана даярдаган окутуучусу  А.Шерипбаев Алкыш баракчасы менен сыйланды. Бул таймашта КР министрлер кабинетинин орун басары Эдил Байсалов, КР Президентине караштуу Малекеттик тил жана тил саясаты боюнча улуттук комиссиянын төрагасы Мелис Мураталиев, УТРКнын башкы директору Болотбек Тиллабаевдер катышып, сыйлыктарды тапшырышты.

Топтун курамындагы  Кт-1-21 тайпасынын студенттери Сапарбоева Үпөл, Жалалова Чынаргүл, Карыпбаева Таңсулуу, Кт-1-22 тайпасынан Сапарова Эркинай, Махаммадкосим кызы Асияга  жана даярдаган окутуучусу Шерипбаев Амангелди агайга өзгөчө күжүрмөн эмгеги, тынбай жасаган аракети үчүн ыраазычылык билдирем – дейт кыргыз тили жана адабияты кафедрасынын башчысы И.Абдувалиев.

 Анын катарында колдоо көрсөткөнү үчүн университеттин жетекчилигине, ректорубуз К.Ж.Усеновго, деканатка,  баалуу кеп-кеңештери үчүн кафедранын профессордук-окутуучулук курамына ыраазычылык билдирем – дейт ал.