Инновация жана технология: студенттердин жаңы мууну

         Филология институнун, англис тили жана адабияты кафедрасынын окутуучусу Нышанбай кызы Байыма тарабынан ЧТк-2-22 тайпасына “Gadgets and Technology” темасында мазмундуу жана жогорку деңгээлде уюштурулган ачык сабак өткөрүлдү.

     Сабактын жүрүшүндө заманбап окутуу ыкмалары колдонулуп, слайд-презентациялар көрсөтүлдү, студенттер топторго бөлүнүп иш алып барышты. Ошондой эле суроо-жооп, талкуу-дискуссиялар уюштурулуп, катышуучулардын активдүүлүгү жогору деңгээлде камсыздалды.

    Ачык сабак өз максатына жетип, студенттердин билим деңгээлин жогорулатууга жана англис тилине болгон кызыгуусун арттырууга чоң салым кошту.