АНГЛИС ТИЛИ ЖАНА АДАБИЯТЫ КАФЕДРАСЫНЫН ОКУТУУЧУЛАРЫ ЭЛ АРАЛЫК ОНЛАЙН КУРСКА КАТЫШТЫ

           Филология институтунун англис тили жана адабияты кафедрасынын жана чет тилдер колледжинин окутуучулары өз кесиптик билимин жогорулатуу максатында 2025-жылдын 21-октябрынан 25-декабрга чейин онлайн форматта ZOOM платформасында өткөн массалык ачык онлайн курсунун (MOOC) катышуучулары болушту. Курстун лектору Америка Кошмо Штатынын эл аралык окутуу жана эл аралык бизнести башкаруу боюнча адис Дора Бернал болду. Окуу программасынын алкагында катышуучулар англис тилин окутуунун заманбап усулдары, тилди үйрөтүүдөгү маданий компонент, окутуунун эффективдүү уюштуруунун жолдору боюнча кеңири маалыматтарга ээ болушту. Ар бир сабакта окутуучуларга практикалык тапшырмалар берилип, алар топтордо презентация даярдоо жана талкуулоо аркылуу иш алып барышты. Ошондой эле Америка Кошмо Штаттарынын майрамдары менен Кыргызстандын улуттук майрамдарынын окшоштуктары жана айырмачылыктары салыштырмалуу изилденип, кеңири талкууланды. Курстун жыйынтыгында катышуучуларга сертификаттар тапшырыларын курстун уюштуруучусу, Америка борборунун координатору Манас Мурзалиев белгиледи.