ЭЛ КУТУ — УЛУТ УҢГУСУ

Филология институтунун англис тили жана адабияты кафедрасынын ЧТк-3-23 тайпасы жана куратор Гүлбара Жороева тарабынан “Эл куту — улут уңгусу” аттуу тарбиялык куратордук саат өткөрүлдү.Иш-чаранын  максаты — жаштардын арасында улуттук баалуулуктардын маанисин түшүндүрүү, алардын эл биримдигин жана руханий байлыгын сактоонун ордун көрсөтүү болуп саналат.Тарбиялык сааттын жүрүшүндө студенттер кыргыз элинин каада-салттарын жана үрп-адаттарын даңазалаган докладдарды, ырларды, макал-лакаптарды жана баталарды сунушташты. Иш-чара жогорку деңгээлде өтүп, студенттер “Эл куту — улут уңгусу” деген түшүнүктүн терең маанисин ачып беришти.