ИЛИМ - ИЗИЛДӨӨ ПРАКТИКАСЫНЫН ЖЫЙЫНТЫГЫ БОЮНЧА КОНФЕРЕНЦИЯ ӨТКӨРҮЛДҮ

Б.Осмонов атындагы ЖАМУнун филология факультетинин англис тили жана адабияты кафедрасынын окутуучулары тарабынан  2023-жылы 30-декабрда ФББ(Ат)маг-1-22 тайпасынын магистранттарынын илим - изилдөө практикасынын жыйынтыгы боюнча конференция өткөрүлдү. Конференцияга ЖАМУнун карьераны өнүктүрүү жана өндүрүштүк практиканы уюштуруу бөлүмүнүн башчысы З.С.Калыбекова, кафедрадагы илимий жетекчилер жана 2-курстун магистранттары катышышты. Конференцияда магистранттар илим - изилдөө практикасынын жыйынтыгы боюнча отчет беришип, илимий иштери боюнча отчет беришти.

 Магистранттар илим - изилдөө практика учурунда “Көркөм текстке лингвостилистикалык иликтөө жүргүзүү илимий изилдөөлөрдүн предмети катары”, “Англис жана кыргыз тилдериндеги макал-лакаптарды которуунун кыйынчылыктары жана алардын тил илиминде өнүгүү себептери”,  “Англис тилин окутууда оюндардын ролу”, “Окуучуларга англис тилин окутууда макал-лакаптардын ролу жана аларды колдонуу жолдору”, “О.Уайлддын “Дориан Грейдин портрети” романынын негизги идеясы аркылуу жаштардын аң-сезимин өнүктүрүү” жана башка илимий темаларда илим - изилдөө иштерин жүргүзүп келишти. Илимий жетекчилер өз кезегинде магистранттар менен кандай илимий иштерди алып баргандыгы тууралуу отчет беришти. Конференция суроо, жооптор менен коштолуп, практика боюнча сунуштар айтылды.