ОНЛАЙН БАГЫТТООЧУ КОНФЕРЕНЦИЯ

Б.Осмонов атындагы ЖАМУнун үзгүлтүксүз билим берүү институтунун педагогика жана башталгыч билим берүүнүн методикасы, педагогика жана мектепке чейинки билим берүүнүн методикасы профилдеринин 3-курстарына (Пс-1-21, Пс-2-21, МЧББс-1-21) онлайн багыттоочу конференция болуп өттү. Конференция 2024-жылдын 17-февралында уюштурулуп, педагогика, психология жана окутуунун технологиялары кафедрасынын кафедра башчысы, п.и.к., доцент Г.Э.Маатазимова киришүү жасап, сөзүнүн соңунда практиканттарга ийгилик каалады. Андан соң  практика башчысы А.Шишкараева студент-практиканттарды практиканын максат милдеттери, талаптары, жүрүшү, жыйынтыгында талап кылынуучу иш кагаздары менен тааныштырып, практиканы баалоонун критерийлерин да айтып өттү. Аталган тайпалардын методисттери Нусупова Р., Найманбаев М., Төрөбекова А., Тажибаева Ж., Осмоналиева С., Аданова Д., Мокуева Н., Нишанбаева Ж.,  да өз ой-пикирлерин, практиканын өтүү талаптарын айтышып, кеп-кеңештерин беришти, методисттер менен байланышты үзбөө зарылдыгына басым жасашты.

Студенттерге жол карталары берилип, багыт көрсөтүлдү. Конференциянын жыйынтыгында практиканттар суроолоруна жооп ала алышты.