ПЕДАГОГИКА АДИСТИГИНДЕГИ СТУДЕНТТЕР ПРАКТИКАГА ЖӨНӨП КЕТИШТИ

Кесиптик-профилдик жана базалык педагогикалык практикага карата конференция болуп өттү. Ага ЖАМУнун практика жана карьера бөлүмүнүн башчысы, ф.и.к., доцент З. Калыбекова жана  башкы адиси  Н. Жолдошалиева катышышты. Ачуу үчүн сөз ПКӨБнын адистерине берилип,  студенттерге ийгилик каалап, керектүү маалыматтарды айтып өтүштү. ППОТКнын практика боюнча жоопттуу, улуу окутуучу Шишкараева Ажар практика боюнча жалпы маалыматтарды берип,  слайд аркылуу практиканын максаты, милдети, компетенциясы, студенттер үчүн жол картасын көрсөтүп кетти.  

Кезектеги практика үчүн өткөн конференциянын өзгөчөлүгү: конференцияга келген Жалал-Абад шаарындагы №21 Ж.Болотов  а.о.м. башталгыч классынын мугалими, биздин окуу жайдын  бүтүрүүчүсү, көп жылдык тажрыйбага ээ Бакиева Гавхарай  ошондой эле Жалал-Абад шаарындагы №6 ж.б.б.о.м. башталгыч класстын мугалими ушул эле факультеттин алгачкы бүтүрүүчүсү, Ташканбаева Феруза  жана Жалал-Абад шаарындагы  “ Жоогазын” м.ч.б.б.у. тарбиячысы, ЖАМУнун бүтүрүүчүсү Адилбек кызы Нурзат  конференцияга конок болуп, студенттердин кызыккан суроолоруна жооп берип  өз насааттарын айтышты.  Практиканын жыйынтыгында практика боюнча методистерге сөз берилди. Иш чарада студенттердин колдоруна жол карталар таратылып, техникалык коопсуздук боюнча түшүндүрүлүп, практикада аткарылуучу иштери боюнча кенен маалыматтар жеткирилди. Студенттер  активдүү катышып, кызыккан суроолоруна жооп алып, келечектеги  мектепке чейинки жана башталгыч класстын мыкты мугалими болууга дагы да  мотивацияга ээ болуу менен бугунку конференция жыйынтыкталды.