МЕКЕНЧИЛ ЧЫНГЫЗ АЙТМАТОВ

Кыргыз эл жазуучусу Чынгыз Айтматовдун туулган күнүнө жана "4-декабрь-Манас" күнүнө карата Б.Осмонов атындагы Жалал-Абад мамлекеттик университетинде өткөрүлө турган иш-чаралардын планына ылайык Э.Уметов атындагы педагогикалык факультетинин педагогика, психология жана окутуунун технологиялары кафедрасынын П-1-21 тайпасы менен куратору, окутуучу Нускайым Шарабидиновна Мокуева тарабынан уюштурулган "Мекенчил Ч.Айтматов" аталышындагы ачык тарбиялык саат өткөрүлдү. Сабактын жүрүшүндө улуу жазуучунун даңазалуу өмүр жолуна Н.Тайлакова, наамдары, сыйлыктарына Ж.Кайыповалар токтолуп, чыгармачылыгы жөнүндө Н.Кадырбекова  илимий баяндама жасады. Жазуучунун чыгармаларыын  педагогикалагы тарбиялык маанисин А.Бекмуратова, Б.Кудайбергенова, М.Ганиевалар баса белгилешти. Чынгыз  Айтматовдун чыгармалары боюнча сүрөт тарткан Жоомарт кызы Айгеримдин эмгеги катышуучулардын кызуу талкуусун жаратты. Орозокул кызы Уулкандын улуу жазуучуга арналган ыр саптары көркөм окулду. Тарбиялык саат Чынгыз Айтматовдун  "Ысык-Көлгө кайрылуу" деген ырына жазылган обондуу чыгарма  менен жыйынтыкталды. Кафедранын профессордук-окутуучулук курамы жазуучунун дүйнөлүк адабияттагы классик экендиги дагы бир жолу далилденгендигин белгилешти. Тайпанын кураторуна жана студенттерине терен ыраазычылык билдиришти.