Чынгыз Айтматовдун чыгармалары менен жашайм

4- декабрь-"Манас" күнү,   12- декабрь - Ч.Айтматовдун туулган күнүнө карата Б.Осмонов атындагы ЖАМУда аткарылуучу иш-чаралардын планынын алкагында  педагогика, психология жана окутуунун технологиялары   кафедрасынын МЧББ-1-21 тайпасында,  "Ч.Айтматовдун чыгармалары менен жашайм"- деген темада тарбиялык саат өтүлдү. Тарбиялык иштин жүрүшүндө улуу залкардын чыгармаларынан үзүндү көрсөтүлүп, катышуучуларга кайсы чыгармадан экендигин табуу тапшырмасы берилди.  Андан соң Чынгыз  Айтматовдун бир нече чыгармаларындагы негизги "чакырыкты" эске алуу менен аларды эки топко бөлүшүп, өз ойлорун  ортого ташташты. Тарбиялык сааттын соңунда Ч. Айтматовдун чыгармаларынын жанры боюнча кластерди толукташты. Ага катышкан ППОТ кафедрасынын окутуучулары иш-чара абдан кызыктуу өткөндүгүн жана максатына жеткендигин белгилешти. Тарбиялык саатты окутуучу Раимкул кызы Айжамал уюштуруп, алып барды.