ПРЕЗИДЕНТТИК СТИПЕНДИЯ ИНФОРМАТИКТЕРДЕ

2023-жылдын 23-декабрында Кыргызстандын эң алдынкы студенттерине Кыргыз Республикасынын  Президенти Жапаров Садыр Нургожоевич стипендия  тапшыруу аземи болуп өттү.   Б.Осмонов атындагы Жалал-Абад мамлекеттик университетинин Э.Уметов атындагы педагогикалык факультетинин физика-математикалык билим берүү багытынын информатика профилинин 4-курсунун  студенти Аскаралиева Аяна Аскаралиевна окууда, илимий-чыгармачыл жана коомдук иштерде өзгөчө айырмалангандыгы үчүн Президенттин стипендиясына ээ болду.

 Э.Уметов атындагы педагогикалык факультетинин деканы, философия и.д., Токоева Г.С., Физика жана информатика кафедрасынын башчысы п.и.к., доцент Р.С.Нусупова, куратору Г.И.Идрисова жана кафедранын жалпы жамааты, ФМББ багытынын студенттери  А.Аскаралиеваны Президенттик стипендиянын ээси болушу менен куттуктап, окууларында ийгиликтерди каалашты.  Аяна Аскаралиева жалпы коллективге, студенттерге куттуктоолор үчүн ыраазычылык билдирип, төмөнкү курстардын студенттерине шык берип, кийинки Президенттик стипендияны алууга үндөп кетти.