ПРЕЗИДЕНТТИК СТИПЕНДИЯ КАЙРАДАН ИНФОРМАТИКТЕРДЕ

2024-жылдын 16-декабрында Кыргыз Республикасынын Президенти Садыр Жапаров 2023-2024-окуу жылынын жыйынтыгы боюнча окууда, илимий-чыгармачыл жана коомдук иштерде өзгөчөлөнгөн жогорку окуу жайларынын 90 студентине Президенттик стипендия тапшырды.

Мыктылардын катарында Б.Осмонов атындагы Жалал-Абад мамлекеттик университетинин Э.Уметов атындагы Педагогика факультетинин физика-математикалык билим берүү багытынын информатика профилинин 4-курсунун  студенти Джумабаева Мукадасхон Равшановна окууда, илимий-чыгармачыл жана коомдук иштерде өзгөчө айырмалангандыгы үчүн Президенттин стипендиясына ээ болду.

Э.Уметов атындагы педагогикалык факультетинин деканы, философия илимдеринин доктору Токоева Г.С., Физика жана информатика кафедрасынын башчысы п.и.к., доцент Р.С.Нусупова, куратору Торогулова Рысбу жана кафедранын жалпы жамааты, ФМББ багытынын студенттери салтанаттуу жыйын уюштуруп, Джумабаева Мукадасхонго окууларында ийгиликтерди каалап, кубанычына ортоктош болушту.

Белгилей кетчү нерсе, Президенттик стипендияга 3 жыл катары менен ФМББ багытынын информатика профилинин студенттери татыктуу болуп келүүдө.

 Факультеттин жетекчилиги жалпы студенттерди да окууда, коомдук иштерде, илимий багытта активдүү болуп, ийгиликтерди жаратууга үндөп кетишти.