Кылым сыймыгы - Ч. Айтматов

Ааламыбыздын залкар жазуучусу Ч. Айтматов агайыбыздын туулган күнүнө карата “Кылым сыймыгы - Ч. Айтматов” деген аталыштагы тарбиялык саат,физика жана информатика кафедрасынын ФМББ(И)-1-23 тайпасына куратор Мажиева Д.Т. тарабынан  өткөрүлдү.  Эгемен элибиздин эне тили болгон кыргыз тилин сыйлаган, туулган жерин, Ата Журтун чексиз сүйгөн, элинин кызыкчылыгын өзүнүкүнөн жогору койгон инсан, заманыбыздын залкар жазуучусу – бул Чыңгыз Айтматов.

Ч. Айтматовдун «Жамийла», «Кызыл алма», «Кыямат», «Фудзиямадагы кадыр түн», «Биринчи мугалим», «Ак кеме», “Кылым карытар бир күн”, “Деңиз бойлой жорткон ала дөбөт”, “Кызыл жоолук жалжалым”, “Кассандра тамгасы”, «Эрте жаздагы турналар», “Бетме-бет” жана башка чыгармалары боюнча куратор жана студенттер  философиялык, тарбиялык мааниси терең экендиги талкууланды.Чынгыз Айтматов 20-кылымдын гениалдуу жазуучусу катары адамзаттын көркөм маданиятына түбөлүк өчпөс из калтырды жана арбир кыргыз инсаны менен түбөлүк жашайт.