ПРОФЕССОР К.С.АЛЫБАЕВ ОШМУДА 

Б.Осмонов атындагы ЖАМУнун “Фундаменталдык, колдонмо изилдөөлөр жана инновациялык технологиялар” илим-изилдөө институтунун директору, математика жана математикалык моделдештирүү  кафедрасынын профессору К.С.Алыбаев  Ош мамлекеттик университетинде уюштурулган Американын, Европанын математикалык коомдорунун, Американын математиктер ассоциациясынын, өнөр жай жана прикладдык математика коомдорунун мүчөсү, Америкалык математика жана статистика журналынын редколлегиясынын мүчөсү, Кыргызстандын математика коомунун вице-президенти, Кыргызстандын түштүгүндөгү математикалык мектептин негиздөөчүсү, профессор К.Алымкуловдун 81 жылдыгына арналган Алымкулов атындагы семинарда негизги баяндамачы катары “Комплекстик аймактагы сингулярдык козголгон теңдемелердин чечимдеринин асимптотикасы” аталыштагы баяндама жасады.  

Семинарды ОшМУнун ректору, проф. К.Г.Кожобеков ачып, маркум К.Алымкулов агайдын илим жолунда жасаган эмгеги баа жеткис экендигин айтуу менен, “К. Алымкулов – окумуштуу, педагог жана насаатчы” деген темада баяндама жасады.

Семинарга окумуштуулар, аспиранттар, магистранттар жана студенттер катышышты. Баяндамалар угулуп, кызуу талкуу болду.