Студенттердин өз алдынча иштерин талкуулоо темасында тегерек стол уюштурулду

2024-жылдын 26-декабрында Б.Осмонов атындагы ЖАМУнун Э.Уметов атындагы педагогикалык факультетинин математика жана математикалык моделдештирүү кафедрасынын улук окутуучусу М.Н.Нурматова тарабынан тегерек стол өткөрүлдү.  Анда ФМББ(М)-1-22, ФМББ(М)-1-23 группаларынын студенттери катышышты.

Тегерек столду уюштуруунун максаты болуп, студенттердин өз алдынча алган билимдери боюнча ой-пикирлери менен бөлүшүү, студенттердин өз алдынча аткарган иштерин талкуулоо, кайтарым байланышты орнотуу мүмкүнчүлүгүнүн болушу эсептелет. Иш-чара орто мектепте математиканы окутуу жана өздөштүрүү боюнча суроолорду талкуулоого аянтча катары кызмат кылды.

Аталган студенттердин тобу силлабуста көрсөтүлгөн тиешелүү бөлүмдөр жана темалар боюнча өз алдынча иштерди аткарышты жана башкалар менен бөлүшүштү. 

Иш-чара коюлган максатка жетти. Тегерек столдун ар бир катышуучусу өздөрүнүн аткарган иштери жөнүндө маалыматтарды беришти, алардын ар бирин талкуулоого мүмкүнчүлүк болду. Тегерек столдун жүрүшүндө катышуучулар тараптан суроолор жана сунуштар берилди.