Илимий-изилдөө практикасынын жыйынтыктоочу конференциясы болуп өттү

Б.Осмонов атындагы ЖАМУнун Э.Уметов атындагы педагогикалык факультетинин “Математика жана математикалык моделдештирүү” кафедрасында окуу процессинин графигине ылайык, ФМББ(М)маг-1-23 тайпасынын магистранттарынын 2024-жылдын 11-ноябрынан 14-декабрына чейинки аралыкта илимий-педагогикалык практиканы өтөөсү боюнча 23-декабрь күнү конференция өткөрүлдү.

Конференцияда практиканын максат, милдеттерине ылайык, ар бир магистрант практика учурунда аткарган иштери менен бөлүшүп, тиешелүү багыттар боюнча кыскача баяндамаларды жасашты.

Магистранттардын баяндамалары өздөрүнүн илимий-изилдөө ишмердүүлүгүн кыскача мүнөздөөгө багытталып, аткарган иштери, илимий-практикалык конференцияда жасаган баяндамалары, басмага берген макалалары жөнүндө баяндалды.

Конференциянын жүрүшүндө карьераны өнүктүрүү жана өндүрүштүк практиканы уюштуруу бөлүмүнүн башчысы филол.и.к., доц. З.С.Калыбекова, магистранттардын илимий жетекчилери катышышып, магистранттар менен илимий-изилдөө практикасынын жүрүшүндө алардын ишмердүүлүгүн ишке ашырууну дагы да жакшыртуу боюнча ой бөлүшүүгө аянтча катары мүмкүнчүлүк болду.