Scopusбазасы менен комплекстүү иш алып баруу, KPI боюнча иштөөнүн методологиясы

Б. Осмонов атындагы Жалал-Абад мамлекеттик университетинде “Scopus базасы менен комплекстүү иш алып баруу жана KPI көрсөткүчтөрү боюнча иштөөнүн методологиясы” аттуу илимий семинар өткөрүлдү.

Иш-чара университеттин профессордук-окутуучулук курамынын илимий потенциалын жогорулатуу, эл аралык илимий маалымат базалары менен иштөөнү өркүндөтүү жана илимий ишмердүүлүктү баалоонун заманбап ыкмаларын үйрөтүү максатында уюштурулду.

Семинарды ЖАМУнун илимий иштер жана инновациялар боюнча проректору, философия илимдеринин доктору, профессор Токоева Гүлдана Самидиновна өттү.

Семинарда Scopus маалымат базасында илимий макалаларды издөө, жарыялоо жана индексациялоо процесстери, ошондой эле илимий эмгектердин сапатын жогорулатуу жолдору кеңири түшүндүрүлдү. Мындан тышкары, университеттердин илимий ишмердүүлүгүн баалоодо колдонулган KPI (Key Performance Indicators) системасынын негизги принциптери жана аны практикалык колдонуу методологиясы каралды.

Катышуучулар илимий көрсөткүчтөрдү жакшыртуу, эл аралык журналдарда жарыяланууну көбөйтүү жана университеттин илимий рейтингин жогорулатуу боюнча пайдалуу маалыматтарды алышты. Ошондой эле суроо-жооп форматында активдүү талкуу жүрүп, тажрыйба алмашуу болду.

Бул семинар университеттин илимий ишмердүүлүгүн өнүктүрүүгө жана эл аралык академиялык мейкиндикке интеграцияланууга багытталган маанилүү кадамдардын бири болуп саналат.