АТА-ЭНЕЛЕР ЧОГУЛУШУ

 Б.Осмонов атындагы ЖАМУнун медициналык колледжинин фармация бөлүмүнүн фарм-21 тайпаларынын студенттеринин ата-энелер чогулушу 2024-жылдын 20- февраль күнү болуп өттү. Чогулушка  ата-энелер келишип, аны медициналык колледждин директору  Курстанбаев Актилек Мурзаевич ачып берди.

Чогулушта фармация бөлүмүнүн окутуучулар курамы менен ПЦК башчысы Казакова Рапия Жумашовна тааныштырып өтүп, окутуучуларга сөз берди. Ата -энелердин арасынан  сөзгө чыгышып, өздөрүнүн ойлорун ортого салышты. Колледждин администрациясы тарабынан даярдалган жакшы окуган жана колледждин коомдук иш- чараларына активдүү катышкан студенттерге Ардак грамота жана ата -энелерге Ыраазычылык каттар  колледждин директору тарабынан ээлерине ыйгарылды. Ата -энелерге студенттер өздөрү  даярдаган чакан концерт тартуулашып, стартап программасынын алкагында ачылган фитобарда өздөрү даярдаган фито -чайлар жана шириндиктери менен чай беришип кыргыздын салты менен конокторду куру чыгарышпай кубандырышты. ЖАМУга, колледжге, анын ичинде фармация бөлүмүнүн  окутуучуларына  жана студенттерине ата-энелер ак батасын беришип  жакшы маанайда таркашты.