Билим  берүү  ишмердүүлүгү

       Учурда  Дарылоо  иши  ПЦКсы   060101 Дарылоо иши  билим берүү багытынын фельдшердик иш  адистигин даярдайт. КРнын Билим берүү жана Илим министрлигинин 2015-жылдын 15-сентябрындагы № 1179/1 буйругу менен бекитилген. Жогорку кесиптик билим берүүнүн мамлекеттик билим берүү стандартынын (ЖКББ МББС) негизинде Дарылоо иши адистиги боюнча негизги билим берүү программасы (НББП) иштелип чыкты. Аталган негизги билим берүү программасы (НББП) максаттарды, күтүлүүчү натыйжаларды, мазмунун, билим берүү процессин жүзөгө ашыруучу шарттары жана технологияларын, ушул багытта бүтүрүүчүнү даярдоонун сапатын баалоону жөнгө салат.   Дарылоо иши адистиги боюнча негизги билим берүү программасынын (НББП) негизги максаты - тез өзгөрүлүп жаткан дүйнөдө туруктуу компетенттүүлүккө негизделген билим берүүнүн кесиптик маселелерин чече алган адисти даярдоо; НББПнын негизги документи катарында бүтүрүүчүнүн компетенттик модели  эсептелет.    

Дарылооиши ПЦКсы төмөнкү дисциплиналарды окутууну камсыз кылат:

1.      Терапия

2.      Хирургия

3.      АИВ инфекциясы курсу менен жугуштуу оорулар жана эпидемиологиясы.

4.      Дерматовенерология

5.      Наркология курсу менен нерв жана психикалык оорулар.

6.      Тиш жана ооз көңдөйү оорулары

Окуу лабораториялары, кабинеттер.

АИВ инфекциясы  жугуштуу оорулар жана эпидемиологиясы курсу менен . (318)

Терапия (318)

Хирургия жана реаниматологиянын негиздери (103)

Тиш жана ооз көңдөйү оорулары (105)

Дарылоо иши  ПЦКсындагы окутуучулар негизги предметтерден  беришет. Бул ПЦКга терапия, хирургия,  нерв жана психикалык оорулар наркология курсу менен , дерматовенерология, тиш жана ооз көңдөйү оорулары, фтизиатрия, реаниматологиянын негиздери предметтери карайт. Дарылоо иши ПЦКсынын    окутуучулары атайын дисциплиналар боюнча окуу-методикалык комплекстерди, силлабустарды иштеп чыгышкан. Мындан тышкары  ар бир  окутуучу  өзү иштеп чыккан көрсөтмө куралдарды колдонуу менен сабактарды өтөт. Окутуучулар  окутуунун активдүү жана инновациялык ыкмаларын активдүү колдонушат, дисциплиналар боюнча слайд, дидактикалык  көрсөтмө куралдарды колдонуу менен иштешет.   Негизинен предметтин  курсунун саясаты биринчи кезекте студенттердин кесиптик компетенттүүлүгүн жогорулатууга жана өнүктүрүүгө багытталган. Айрыкча, студенттердин критикалык жана аналитикалык ой жүгүртүүсүн калыптандырууга көңүл бурулат.Окутуучулар жана студенттери колледждин жана университеттин илимий жана коомдук турмушуна активдүү катышууда. Ошондой эле бир нече жолу шаардык, облустук, сынактардын жеңүүчүлөрү болгон.

Окуу аудиториялары

Теориялык жана практикалык сабактарды өтүүдө    лекциялык аудиториялар, практикалык сабактарды өтүүдө   окуу кабинеттери бар. Ошондой эле 2 тренажордук зал  клиникалык  предметтерден сабак өтүүдө  практика жүзүндо колдонулат. Окуу кабинеттери заманбап окуу материалдары менен жабдылган. 2023-2024 окуу жылында колледждин китепканасы жаны окуу китептери менен толукталды.

            Окутуучулук курам

Дарылоо иши ПЦКсында бүгүнкү күндө жалпы 9 окутуучу  эмгектенет алардын ичинен  1 айкалыштыруучу

ОКУУ-УСУЛДУК ИШТЕР

 ПЦКда азыркы учурда замандын талабына толук жооп берүүчү орто билимдүү медициналык адистерди даярдоо үчүн мамлекеттик стандарттагы илимдердин негизги багыттары окутулат.

Окуу планына ылайык тиешелүү предметтердин типтүү, жумушчу программалары, силлабустар түзүлүп талдоодон өтүүдө. Лекциялык жана практикалык  сабактарды өткөрүү үчүн шарттар камсыз болгон  тренажордук  залдар, 2 компьютердик аудитория,  окуу  кабинеттери кызмат кылат. Окуу өндүрүштүк практикалары үчүн Жалал-Абад областтык клиникалык ооруканасы жана Сузак аймактык ооруканалары менен келишимдер түзүлгөн.   Билим берүүнүн сапатын жогорулатуу максатында ар бир семестрде студенттерден 2 жолу модуль тапшырышат. ПЦКнын окутуучулары тарабынан бир нече окуу китептери жана окуу усулдук колдонмолор иштелип чыгарылган. Окутуучулар өздөрүн теориялык окуу усулдук чеберчилигин өркүндөтүү үчүн  билимин өркүндөтүүчү курстарга катышып, сертификаттарга ээ болушкан.  ПЦКда өз ара сабактарга катышуу, аны талкуулоо кеңири практикаланат.

ИЛИМИЙ ИШТЕРИ

      Медициналык колледжинин Дарылоо иши ПЦКсында   бардыгы болуп 9  окутуучу эмгектенүүдө. ПЦК мүчөлөрү окуу программаларын, окуу куралдарын жана башка окуу усулдук, илимий аспектилердин иштелмелерин даярдоодо үзүрлүү эмгектенүүдө. Окутуучулар материалдык-техникалык базаны жакшыртып, модулдук-рейтингдик системаны пайдалануу менен, студенттердин өз алдынча иштерин уюштуруп, илимий изилдөө иштерин жетектөө менен иш алып барууда.

          МАТЕРИАЛДЫК-ТЕХНИКАЛЫК БАЗА     

Дарылоо иши ПЦКсына 2023-2024-окуу жылында университет тарабынан материалдык-техникалык базаны чыңдоо, студенттердин жеткиликтүү билим алуусун камсыздоо максатында окуу китептери, бир нече окуу каражаттары  берилди.

ПЦКдагы ТАРБИЯЛЫК ИШТЕР

ПЦКнын тарбиялык иштери боюнча түзүлгөн планы жана кураторлордун иш планы  ПЦКнын  кенешмесинде талкууланып бекитилген. ПЦКнын курамында   кураторлор  өзүнө бөлүнгөн тайпалар менен активдүү иш алып барышат. Иш планда белгиленген иш-чаралар боюнча жолугушууларды уюштуруп турушат (ветерандар, врач-терапевт, гинекологдор  ж.б.). Ошондой эле студенттер менен биргеликте ишембиликтерге катышат. Мындан сырткары колледж, университеттин денгээлинде уюштурулган коомдук, маданий, спорттук иш-чараларга үзгүлтүксүз катышат.

Студенттердин илимий- изилдөө  иштери (СИИИ)

Дарылоо иши ПЦКсында  “Мен – келечектеги фельдшермин” кружоктору  иштейт. Бекитилген графикке ылайык студенттер өз алдынча окутуучулар менен  иштешет.