Кыргызстандагы кытай компанияларынын катышуусунда иш орундардын жарманкеси

2026-жылдын 21-апрелинде Кыргызстандагы кытай компанияларынын катышуусунда иш орундардын жарманкеси ийгиликтүү өткөрүлдү.

Иш-чарага студенттер активдүү катышып, компания өкүлдөрү менен маектешүүлөрдөн өтүп, ишке орношуу мүмкүнчүлүктөрү тууралуу маалымат алышты. Айрым катышуучулар кийинки этапка чакырылды.

Ошондой эле биздин кытай тили адистигинин студенттери иш-чаранын жүрүшүндө котормочулук кызматын аркалап, катышуучулар менен компания өкүлдөрүнүн ортосунда натыйжалуу байланыш түзүлүшүнө чоң салым кошушту.

Жарманке студенттер үчүн пайдалуу тажрыйба болуп, иш берүүчүлөр менен түз байланыш түзүүгө шарт түздү.