ПОВТАС адистигинин өндүрүштүк практикасынын жүрүшүндөгү рефлекциялык конференция

Жалал-Абад колледжинин “Автоматташтырылган системалар жана эсептөө техникаларын программалык камсыздоо” адистигинин студенттери 2025-2026-окуу жылындагы өндүрүштүк практиканын алкагында практиканын жүрүшүндөгү рефлекциялык конференция уюштурулду.

Бул иш-чара студенттердин практикадагы тажрыйбасын талдоого, алардын кесиптик компетенциялардын калыптануу деңгээлин аныктоого жана практика процессин мындан ары дагы сапаттуу улантууга багытталган маанилүү платформага айланды.

Студенттердин рефлекциялык баяндоолору

Иш-чаранын мазмундук өзөгүн студенттердин рефлекциялык баяндамалары түздү. Ар бир студент өзүнүн практикадагы тажрыйбасын системалуу, далилдүү жана аналитикалык форматта сунуштап, төмөнкү маанилүү аспектилерди камтып өттү:

• Практика учурунда аткарган жумуштарынын мүнөзү;
• Колдонгон программалык жана техникалык инструменттер;
• Теориялык билимди практикалык кырдаалдарда пайдалануу;
• Жетишкендиктери жана кесиптик өсүүсү;
• Кездешкен көйгөйлөр, кыйынчылыктар жана аларды чечүү боюнча колдонулган стратегиялар;
• Практиканын кийинки этабы боюнча сунуштары, жеке пландары жана иш процесстерин оптималдаштыруу боюнча ойлор.

Жыйынтыгында

Конференциянын соңунда практика жетекчилери иш-чаранын жалпы жыйынтыгын чыгарып, студенттердин көрсөтүлгөн ишмердүүлүгүнө оң баа беришти. Практиканын кийинки этабында көңүл буруучу багыттар белгиленип, студенттерге төмөнкүдөй сунуштар берилди:

• иштин сапатын жогорулатуу;
• документтештирүүнү так жүргүзүү;
• программалык инструменттерди өздөштүрүүнү тереңдетүү;
• өз алдынча иштөөнү күчөтүү;
• креативдүү жана системалуу ой жүгүртүүнү өнүктүрүү;