Жалал-Абад электр тармактары ишканасынын окуу борборунда ишкананын структуралык түзүмдөрү жана алардын кызматтары боюнча таанышуу

Б.Осмонов атындагы Жалал-Абад мамлекеттик университетинин табигый-Техникалык факультетинин электроэнергетика жана механика кафедрасынын 640200 Электроэнергетика жана электротехника багыты  «Электроэнергетикалык системалар жана түйүндөр” профилинин студенттери ЭЭСС-1-22 тайпасы окуу таанышуу практикасын 9.10.2023ж.-28.10.2023 ж. чейинки убакытта Жалал-Абад электр тармактар ишканасында өтөп келишти. 13- октябрь күнү практиканын базасында өткөрүлүүчү иш-чараларга ылайык улуу окутуучу К. Султаналиева ЭЭСС-1-22 тайпасы менен биргеликте Жалал-Абад электр тармактар ишканасынын окуу борборунда атайын иш чара уюштуруп, анда ишкананын структуралык түзүмдөрү жана алардын кызматтары жөнүндө  Капиталдык курулуш бөлүмүнүн жетектөөчү инженери Исанов Мелис сабак өтүп берди. Ал өз сөзүндө ӨТК кызматы(өндүрушттук техникалык кызматы, БАТ( башкаруунун автоматташтырылган тутуму), ЫТК(ыкчам тескөө кызматы), УК( унаа кызматы), ИКТС(Ишеничтүү жана коопсуздук техника сектору), РКАЖЖ (релейлик коргоо жана автоматика жергиликтүү кызматы), ДТБЖК (диспетчердик –технологиялык башкаруу жергиликтүү кызматы), БКЧТ (борбордук көмөк чордон тобу) кызматтары эмне жумуш аткаргандыгы боюнча үстүртөн кыскача маалымат берди. Ошондой эле окуу борборунда  турган электр жабдыктары менен тааныштырып, ар бир электр жабдыктарга токтолуп, алардын иштөө принциптерин,  өзгөчөлүктөрүн айтып студенттердин кызыккан суроолоруна жооп берип жатты.

Жалал-Абад электр тармактар ишканасынын  окуу борборунда , ишкананын структуралык тузүмдөрү жана алардын кызматтары боюнча өткөрүлгөн иш чаранын мааниси өтө чоң. Айтылган структуралык кызматтардан Метрология кызматын мисалга алсак,  “Маалымат өлчөө технологиясы” дисциплинасына тиешелүү.  Студенттер өлчөөчү аппараттарды өз көздөрү менен көрүп өлчөп сынашты үйрөнүштү. Студенттерге сабак өтүп бергендиги үчүн Мелис Исановго кафедранын жамааты ыраазычылык айтышып иштерине ийгиликтерди каалашты.