Чыңгыз Айтматовдун чыгармачылыгына жана «Манас» эпосуна арналган иш-чара өттү

Б. Осмонов атындагы Жалал-Абад мамлекеттик университетинин Агрардык-техникалык институтунун Ветеринардык медицина кафедрасынын студенттери тарабынан залкар жазуучу Чыңгыз Айтматовдун 100 жылдыгына жана кыргыз элинин улуу мурасы — «Манас» эпосуна арналган маданий-агартуу иш-чарасы өткөрүлдү.

Иш-чаранын жүрүшүндө студенттер кыргыз элинин тарыхын, маданиятын жана руханий баалуулуктарын даңазалаган «Манас» эпосунан үзүндүлөрдү айтып беришти. Ошондой эле Чыңгыз Айтматовдун өмүрү жана чыгармачылыгы тууралуу баяндама жасалып, анын кыргыз адабиятына жана дүйнөлүк маданиятка кошкон салымы белгиленди.

Иш-чарада студенттер тарабынан ырлар аткарылып, көркөм чыгармалар окулуп, улуттук баалуулуктарды даңазалаган музыкалык чыгармалар жаңырды.

Мындай иш-чаралар жаштарды улуттук тарыхты, адабиятты жана маданий мурастарды урматтоого, мекенчилдикке жана руханий баалуулуктарды сактоого тарбиялоодо маанилүү роль ойнойт.

Ветеринардык медицина кафедрасы студенттердин активдүү катышуусун жана чыгармачылык жөндөмдөрүн колдоо менен, мындан ары да маданий-агартуу багытындагы иш-чараларды өткөрүүнү улантат.