Ч.АЙТМАТОВ ӨЗ ДООРУНДАГЫ АЛП ЖАЗУУЧУ

Экономика, эсеп жана каржы кафедрасында Кыргыз  эл  жазуучусу  Чыңгыз Айтматовдун 95 жылдыгына карата  студенттер менен биргеликте ачык куратордук саат өткөрүлдү.

       Иш-чаранын  негизги максатында улуу жазуучубуздун басып өткөн өмүр  жолунда көп  кыйынчылыктар болсо да, кыргыз элин бүт дүйнөгө таанытып, чыгармалары менен элдин жүрөгүнүн түпкүрүндө калаарын дагы бир ирет даңазалоо болду. Негизинен эле Ч.Айтматовду бүт дүйнө эли таанып, кыргыз эли сыймыктанган жазуучу экенин сыймыктануу менен айтабыз. Жазуучунун ар бир чыгармасында  бүтүндөй  нукуралык, элдин  турмушунан алынган көйгөйлөр, жөнөкөй карапайым кыргыз элинин  мүнөзүнө таандык өзгөчөлүктөрү бар.

Куратордук сааттын жүрүшүндө Ч.Айтматовдун чыгармаларынан көркөм окулуп,  слайддар даярдалып көрсөтүлдү жана залкар жазуучунун алган сыйлыктары, эскерүү ырлар менен коштолду.