Өндүрүштүк практика: кесипке карай ишенимдүү кадам

Туруктуу өнүгүү боюнча БУУнун Глобалдык келишиминин алкагындагы «Сапаттуу билим берүү» принциптерине ылайык жана өндүрүштүк практиканын жумушчу программанын негизинде “Б.Осмонов атындагы Жалал-Абад мамлекеттик университети” илимий-билим берүү өндүрүштүк комплексинин экономика жана укук Институтунун экономика, эсеп жана каржы кафедрасында 2026-жылдын 19-майында өндүрүштүк практиканын жыйынтыктоочу конференциясы болуп өттү.

Иш-чаранын башкы катышуучулары — өндүрүштүк практиканы ийгиликтүү аяктаган БЭс-1-22 тайпасынын студенттери болушту.

Конференциянын негизги багыттары:

§     Стандарттар жана отчеттуулук: Конференцияны карьераны өнүктүрүү жана практиканы уюштуруу бөлүмүнүн башчысы, т.и.к., доцент Ж.Б. Шамиев ачты. Ал катышуучуларга өндүрүштүк практиканы өтүүнүн негизги талаптары, отчетторду түзүү жана коргоо эрежелери тууралуу кеңири маалымат берди.

§     Кесиптик пайдубал: Кафедра башчысы, э.и.к., доцент Э.Н. Толонов өз сөзүндө практика болочок адистердин кесиптик калыптанышында жана өсүп-өнүгүшүндө өзгөчө маанилүү орунду ээлей турганын баса белгиледи.

§     Рынокко ыңгайлашуу: Экономика жана укук институтунун практика жетекчиси, э.и.к., доценттин м.а. Г.Б. Абдырахманова практикалык ишмердүүлүк университет дубалдарында алынган теориялык билимди бекемдөө менен бирге, бүтүрүүчүлөрдүн эмгек рыногунун заманбап шарттарына тез көнүшүнө өбөлгө түзөрүн белгилеп өттү.

§     Насаатчылык жана колдоо: Студенттердин практикасына кафедранын тажрыйбалуу профессордук-окутуучулук курамы жетекчилик кылды. Алсак, БЭс-1-22 тайпасынын өндүрүштүк практикасын төмөнкү окутуучулар көзөмөлдөштү: э.и.к., доцент Д.Ш. Жолболдуева; ага окутуучу Б.А. Аширалиева.

Бул өндүрүштүк практика студенттерге теориялык базаны реалдуу өндүрүштүк процесстер менен ийгиликтүү айкалыштырууга мүмкүнчүлүк берди. Бул алардын келечектеги кесиптик ишмердүүлүгүнө бекем пайдубал түптөп, бүтүрүүчү квалификациялык иштерин (дипломдук иштерин) сапаттуу даярдоого жол ачты.