Студенттер арасында коррупцияга каршы чаралар

Туруктуу өнүгүү боюнча БУУнун Глобалдык келишиминин алкагындагы «Сапаттуу билим берүү» принциптерине жана жаштар арасында коррупцияга каршы көз карашты калыптандыруу, укуктук маданиятты жана жарандык жоопкерчиликти жогорулатуу максатында 2026-жылдын 2-апрелинде “Б.Осмонов атындагы Жалал-Абад мамлекеттик университети” илимий-билим берүү өндүрүштүк комплексинин экономика жана укук Институтунда коррупцияга каршы аракеттерге арналган жыйын өткөрүлдү.

Иш-чарага Экономика жана укук институтунун директору Аскарова А.К., директордун орун басары Ташиева К.М., милициянын подполковниги Урмат Калдаров катышты. Иш-чаранын жүрүшүндө студенттерге коррупциянын маңызы, анын коомго жана мамлекетке тийгизген терс таасири, ошондой эле аны алдын алуу чаралары тууралуу маалымат берилди. Айрыкча билим берүү чөйрөсүндө академиялык ак ниеттүүлүктү сактоо, паракорчулукка жана башка коррупциялык көрүнүштөргө жол бербөө маселелерине өзгөчө көңүл бурулду.

Жыйындын катышуучулары коррупцияга каршы аракеттенүү жаатындагы колдонуудагы мыйзамдар жана окуу жайдын ички нормативдик документтери менен таанышышты. Мындан тышкары, бул көйгөйдү терең түшүнүүгө жардам берген реалдуу мисалдар жана жагдайлар каралды.

Ачык диалог форматында студенттер өздөрүн кызыктырган суроолорду берип, актуалдуу маселелерди талкуулап, коррупцияга каршы маданиятты калыптандыруу боюнча өз сунуштарын айтышты.

Мындай иш-чараларды өткөрүү студенттерде ак ниеттүүлүк, ачык-айкындуулук жана жоопкерчилик принциптерин тарбиялоого өбөлгө түзөт жана адилеттүү, мыйзамды урматтаган коомду куруунун маанилүү кадамы болуп саналат.