Жумуш ордунда окутуу: Манас шаардык эмгек, социалдык камсыздоо жана миграция башкармалыгы
Туруктуу өнүгүү боюнча БУУнун Глобалдык келишиминин алкагындагы «Сапаттуу билим берүү», «Жакырчылыкты жоюу» принциптерине жана жумуш ордунда окутуунун планына ылайык студенттердин таанышуу, өндүрүштүк жана квалификация алдындагы практикалардын алкагында2026-жылдын 2-апрель күнүМанас шаардык эмгек, социалдык камсыздоо жана миграция башкармалыгынын кадрлар бөлүмүнүн адиси А.С. Акунова менен бирге“Мекеменин ар бир бөлүмүндөгү социалдык багыттын аткарган жумушун үйрөнүү, социалдык кызматкердин кызматтык милдеттери жана мекеменин башка мекемелер менен байланыштары жана өзгөчөлүктөрү” деген темада университеттен практика жетекчилер улуу окутуучу Ы.М. Кожоназарова жана окутуучу Н.С. Алдозовалар практика өтөп жаткан студенттер менен аңгемелешүү формасында жумуш ордунда окутуу ишин алып барышты.
Мекеменин ар бир бөлүмүндөгү социалдык багыттын аткарган жумушу кардарлардын укуктарын коргоого жана алардын жашоо сапатын жакшыртууга негизделген. Социалдык кызматкердин негизги милдеттерине муктаж болгон жарандарды аныктоо, аларга психологиялык-педагогикалык көмөк көрсөтүү жана социалдык жактан коштоп жүрүү кирет. Ар бир бөлүм өз алдынча иш алып барганы менен, жалпы максат – кардардын социалдык статусун калыбына келтирүү жана анын коомго аралашуусуна көмөктөшүү болуп саналат. Бул процессте адистер социалдык диагностика жүргүзүп, жекече өнүктүрүү пландарын иштеп чыгышат жана аткарылган иштердин натыйжалуулугуна мониторинг жасашат.
Социалдык иштин натыйжалуулугу мекеменин башка мамлекеттик органдар менен тыгыз байланышта болуусунан көз каранды. Бул кызматташтыктын алкагында кардарларга мамлекеттик жөлөк пулдарды чектөө, жумушка орноштуруу, кесиптик кайра даярдоодон өткөрүү жана миграциялык маселелер боюнча укуктук жардам берүү иштери жүргүзүлөт. Мындай ведомстволор аралык байланыштын өзгөчөлүгү – “бирдиктүү терезе” принциби аркылуу социалдык кызматтардын жеткиликтүүлүгүн камсыз кылууда. Бул өз кезегинде кардарлардын турмуштук оор кырдаалдан тезирээк чыгуусуна жана мамлекет тарабынан көрсөтүлүүчү социалдык кепилдиктерди толук кандуу пайдалануусуна шарт түзөт.
