Студенттер үчүн жумуш ордунда окутуу: инвестициялык талдоо иш жүзүндө
Туруктуу өнүгүү боюнча БУУнун Глобалдык келишиминин алкагындагы «Сапаттуу билим берүү» принциптерине ылайык, 2026-жылдын 11-мартында Б. Осмонов атындагы Жалал-Абад мамлекеттик университетинин илимий-билим берүү өндүрүштүк комплексинин экономика жана укук Институтунун экономика, эсеп жана каржы кафедрасынын доценти Абдырахманова Гульчехра Батырбековна «Финансылык инвестициялык анализ» дисциплинасы боюнча «Дивиденддик саясат жана инвестициялык чечимдер» темасында көчмө практикалык сабакты 580100 «Экономика» багытынын (профили «Каржы жана насыя») күндүзгү окуу бөлүмүнүн ФКк-1-22 тайпасынын студенттерине өткөрдү.
Практикалык сабак «Оптима Банк» ААКнын Жалал-Абад филиалынын базасында өткөрүлдү.
Жумуш ордунда окутуунун (ЖОО) алкагында студенттер теориялык билимдерин бекемдөө менен бирге, финансылык стратегия жана инвестициялык механизмдер банк тармагында иш жүзүндө ишке ашырыларын көрө алышты.Филиалдын башкаруучусу Паизов Жаркынбек Мамазакирович жана банктын алдыңкы адистери мекеменин ички түзүмү жөнүндө кеңири маалымат берип, инвестициялык чечимдерди кабыл алуу тартибин көрсөтүштү жана дивиденддик саясатты калыптандыруунун негизги принциптерин түшүндүрүштү.
Ошондой эле банк капиталынын башкаруусунда маанилүү ролду ойногон инвестициялык жагымдуулукту талдоо жана негизги көрсөткүчтөргө өзгөчө көңүл бурулду. Студенттер финансылык маалыматтардын негизинде тобокелдиктер кандайча бааланарын, пайданы бөлүштүрүү боюнча негиздүү чечимдер кандайча кабыл алынарын жана инвесторлор менен кызматташуу кандайча жүргүзүлөрүн көрө алышты.
Өзгөчө көңүл инвестициялык жагымдуулукту талдоого жана банктын капиталын башкарууда маанилүү ролду ойногон көрсөткүчтөргө бурулду. Студентер финансылык маалыматтардын негизинде тобокелдиктер кандайча бааланарын, пайданы бөлүштүрүү боюнча негизделген чечимдердин кабыл алынышын жана инвесторлор менен өз ара аракеттенүү кандайча түзүлөрүн байкай алышты.
Банктын жетекчилиги менен жандуу диалог, кесиптик суроолорду берүү жана эксперттик түшүндүрмөлөрдү алуу мүмкүнчүлүгү сабакты максималдуу мазмундуу жана практикалык багытта жүргүзулдү. Мындай иш-чаралар негизги кесиптик компетенцияларды калыптандырууга көмөктөшүп, келечектеги экономисттерге заманбап финансылык системанын иштөө механизмдерин жакшыраак түшүнүүгө жардам берет.
Жолугушуунун соңунда студенттер башкаруучу Ж.М. Паизовго жана «Оптима Банк» ААКнын жалпы эмгек жамаатына жылуу кабыл алуу, кызматташууга ачыктыгы жана баалуу кесиптик сунуштары үчүн терең ыраазычылык билдиришти.
