Студенттер үчүн жумуш ордунда окутуу: банктык эмес кредиттик-финансылык мекемелерде, микрофинансылык компанияларда жана күрөөканаларда практикалык сабак
Туруктуу өнүгүү боюнча БУУнун Глобалдык келишиминин алкагындагы «Сапаттуу билим берүү» принциптерине ылайык, 2026-жылдын 11-мартында “Б.Осмонов атындагы Жалал-Абад мамлекеттик университети” илимий-билим берүү өндүрүштүк комплексинин экономика жана укук Институтунун күндүзгү бөлүмүндө «Каржы жана насыя» адистигинин ФКк-1-24 тайпасынын студенттери үчүн «Акча-кредиттик банк» дисциплинасы боюнча «Адистешкен банктык эмес кредиттик-финансылык мекемелер» темасында банктык эмес кредиттик-финансылык мекемелерде практикалык сабак өткөрүлдү.
Сабакты экономика илимдеринин кандидаты, экономика, эсеп жана каржы кафедрасынын доцентинин м.а. Г.С.Жамашева өткөрдү. Практикалык сабактын жүрүшүндө студенттер микрофинансылык компаниялардын жана ломбарддардын ишмердүүлүгү менен таанышып, алардын жетекчилери менен жолугушуп, кредиттөө тармагындагы кесиптик тажрыйбалары жана практикалык көндүмдөрдү өздөштурдү.
Студенттер банктык эмес кредиттик-финансылык мекемелердин ишмердүүлүгүнүн уюштурулушу менен таанышып, келечектеги адистер үчүн зарыл болгон практикалык көндүмдөрдү калыптандырууга мүмкүнчүлүк алышты. Ошондой эле күрөөканалардагы эмгекти уюштуруу жана документ жүгүртүү тартиби менен таанышышты.
Практикалык окутуу келечектеги кредиттик адистин үчүн баалуу тажрыйбаларды берди: студенттер теорияны практикада көрүштү жана кредиттик адистин ишинде жоопкерчиликтин, тартиптин жана майда-чүйдөсүнө чейин көңүл буруунун маанилүүлүгүн түшүнүштү.
Практикалык сабак келечектеги адистер үчүн баалуу тажрыйба болду. Студенттер теориялык билимдердин практикада кандайча колдонуларын көрүп, кредиттик адистин ишинде жоопкерчилик, тартип жана кылдаттык канчалык маанилүү экенин түшүнүштү.
Окутуунун жыйынтыгында экономикада кредиттөөнүн практикалык маанисин терең түшүнүү жана финансылык маданияттын маанисин көбүрөөк баалоо пайда болду. Мындай жолугушуулар болочок адистерге чыныгы профессионалдык чөйрөнү башынан өткөрүүгө, баалуу тажрыйбага ээ болууга жана ийгиликтүү карьерага ишенимдүү кадам таштоого мүмкүндүк берет.
