Студенттин жумуш ордун уюштуруу (ОРМ): коммерциялык банкта практикалык сабак (ОАО «Оптима Банк» филиалы, Манас ш.)

2026-жылдын 18-февралында «Акча, кредит, банктар» дисциплинасы боюнча «Кредиттик операциялардын принциптери» темасында күндүзгү окуу формасындагы 580100 «Экономика» багытынын, «Бухгалтердик эсеп, анализ жана аудит» адистигинин БЭк-1-24 тайпасынын студенттери үчүн Б. Осмонов атындагы Жалал-Абад мамлекеттик университетинин Экономика жана укук институтунун базасында, ОАО «Оптима Банк»тын Манас шаарындагы филиалында практикалык сабак өткөрүлдү.

Сабакты экономика, эсеп жана финансы кафедрасынын окутуучусу, экономика илимдеринин кандидаты, доценттин милдетин аткаруучу Жамашева Г.С. ОАО «Оптима Банк»тын Манас шаарындагы филиалынын директору Паизов Жаркынбек Заирбекович менен биргеликте өткөрдү. Ал банктык кредиттөө тармагындагы кесиптик тажрыйбасы жана практикалык көндүмдөрү менен бөлүштү.

Сабактын жүрүшүндө студенттер коммерциялык банктын жумуш ордун уюштуруу тартиби менен таанышып, кредиттик келишимдерди тариздөөнүн этаптарын үйрөнүштү, ошондой эле практикалык кейсти талдоого катышышты. Аларга кардар тууралуу маалымат берилип, анын негизинде кардардын кредиттик жөндөмдүүлүгүн аныктоо, кредит берүүнүн шарттарын сунуштоо, мүмкүн болуучу тобокелдиктерди баалоо жана кардар менен өз ара иш алып баруунун өзгөчөлүктөрүн белгилөө тапшырма берилди.

Практикалык бөлүктө студенттер университетте алган теориялык билимдер банк мекемесинин реалдуу ишинде кандай колдонуларын көрүштү. Алар банктын түзүмү менен таанышып, кызматкерлердин ортосунда милдеттер кантип бөлүштүрүлөрүн, банк тармагында иштөө үчүн кандай кесиптик көндүмдөр талап кылынарын, ошондой эле эмгекти жана документ жүгүртүүнү уюштуруунун заманбап форматын көрө алышты.

Практикалык сабак келечектеги банк адистери үчүн баалуу тажрыйба болду: алар теориянын кесиптик ишмердүүлүктө кантип ишке ашарын практика жүзүндө көрүшүп, банк кызматкеринин ишинде жоопкерчиликтин, тартиптин жана кылдаттыктын маанилүүлүгүн аңдашты.

Сабактын жыйынтыгында студенттер кредиттөөнүн экономикадагы практикалык маанисин тереңирээк түшүнүшүп, финансылык сабаттуулуктун маанисин терең түшүнүштү. Мындай жолугушуулар келечектеги адистерге чыныгы кесиптик чөйрөгө жакындап, баалуу тажрыйба топтоп, ийгиликтүү карьерага ишенимдүү кадам таштоого мүмкүнчүлүк берет.