ДТ-1-26, ДТК-2-26 ТАЙПАЛАРЫНА «БИЛИМ – БИЙИКТИККЕ ЖОЛ, МАНАС – УЛУТТУК РУХ, АЙТМАТОВ – ДҮЙНӨЛҮК БИЙИКТИК» АТТУУ КУРАТОРДУК СААТ ӨТҮЛДҮ

2026-жылдын 15-сентябрында Б. Осмонов атындагы Жалал-Абад мамлекеттик университетинин Дене тарбия, спорт жана АЧД багытынын ДТ-1-26 жана ДТк-2-26 тайпаларына «Билим – бийиктикке жол. Манас – улуттук рух. Айтматов – дүйнөлүк бийиктик. Улуттук дем – дүйнөлүк бийиктик» аттуу куратордук саат өткөрүлдү.Куратордук сааттын негизги максаты – студенттердин билим алууга болгон кызыгуусун арттыруу, улуттук баалуулуктарды урматтоого тарбиялоо, «Манас» эпосунун руханий-маданий мурастагы ордун түшүндүрүү, залкар жазуучу Чыңгыз Айтматовдун чыгармачылыгындагы адамзаттык баалуулуктарды таанытуу жана жаштардын жарандык жоопкерчилигин күчөтүү.Иш-чаранын жүрүшүндө студенттерге билимдин адамдын жеке өнүгүүсүндөгү жана коомдун келечегиндеги мааниси тууралуу маалымат берилди. Студенттик мезгилди натыйжалуу пайдалануу, кесиптик билимди терең өздөштүрүү жана келечекте коомго пайдалуу адис болууга умтулуу маселелери талкууланды.Куратордук сааттын өзгөчө бөлүгү «Манас» эпосуна арналды. Студенттер эпостун кыргыз элинин руханий жана маданий мурасындагы орду, анда камтылган мекенчилдик, биримдик, намыс, эрдик жана жоопкерчилик сыяктуу баалуулуктар тууралуу пикирлерин билдиришти.Ошондой эле Чыңгыз Айтматовдун чыгармачылыгы тууралуу сөз болуп, анын чыгармаларындагы адамгерчилик, мекенчилдик, адеп-ахлак, табиятка жоопкерчиликтүү мамиле жана руханий бийиктик маселелери талкууланды. 2026-жылы жазуучунун 100 жылдыгына байланыштуу мамлекеттик жана эл аралык деңгээлдеги иш-чаралар өткөрүлүп жатканы маалымдалды.Куратордук саатта «Улуттук дем – дүйнөлүк бийиктик» уңгужолунун маанисине да кеңири токтолулду. Студенттер улуттук баалуулуктарды сактоо менен бирге заманбап билимге, илимге, спортко жана кесиптик өнүгүүгө умтулуу зарылдыгы тууралуу ой бөлүштү. Кыргыз Республикасынын Президентинин 2024-жылдын 18-декабрындагы №369 Жарлыгы менен «Улуттук дем – дүйнөлүк бийиктик» уңгужолу бекитилген.Дене тарбия жана спорт багытында билим алып жаткан ДТ-1-26 жана ДТк-2-26 тайпасынын студенттери үчүн иш-чаранын жүрүшүндө спорттогу тартип, эмгекчилдик, чыдамкайлык, командалык дух, жоопкерчилик жана жеңишке болгон умтулуу сыяктуу сапаттардын мааниси өзгөчө белгиленди.Иш-чаранын соңунда студенттер «Мен келечекте...» аттуу чакан тапшырманын алкагында өздөрүнүн алдыга койгон максаттары менен бөлүшүп, келечекте тандаган кесиби боюнча мыкты адис болууга, билимдерин өркүндөтүүгө жана кыргыз спортунун өнүгүшүнө салым кошууга умтуларын билдиришти.