Педагогикалык колледжде өзгөчө коштошуу сабагы өттү

Педагогикалык колледждин дубалдарында БКМк-7-23 тайпасынын бүтүрүүчү студент кыздары үчүн абдан таасирдүү, шыктандыруучу жана терең мааниге ээ коштошуу сабагы өткөрүлдү. Бул жылуу жолугушуунун уюштуруучусу жана демилгечиси болуп тайпанын куратору Саламат Амановна Тобокелова болду.

Колледжде окуган жылдар ичинде студент кыздар инсандык жана кесиптик жактан чоң калыптануу жолун басып өтүштү. Бул маанилүү этапты белгилөө жана бүтүрүүчүлөрдү чоң турмушка ишеним менен узатуу максатында куратор алар үчүн өзгөчө чыгармачыл интерактив сабак уюштурду.

Жолугушуунун башкы символу катары студенттер өз колдору менен жасаган таажылар колдонулду. Ошол учурда ар бир бүтүрүүчү өзүн чыныгы ханышадай — күчтүү, таланттуу жана кайталангыс инсан катары сезе алды. Бул символдук иш-аракет кыздарга өз тагдырын өздөрү түзүп жатканын түшүнүүгө жардам берди.

Сабак катышуучуларга күчтүү эмоционалдык таасир берип, өз күчүнө болгон ишенимди бекемдеди. Студенттер азыр өздөрүн жеке жашоосунда да, келечектеги кесиптик жолунда да “ханышалардай” сезишерин, мугалим деген улуу наамды сыймыктануу менен алып жүрүүгө даяр экенин билдиришти.

Колледждин администрациясы жана куратор Саламат Амановна Тобокелова БКМк-7-23 тайпасынын бүтүрүүчүлөрү менен сыймыктанышат.

Жолуңар шыдыр болсун, биздин ханышалар! Силердин кесиптик жолуңар ыраазы болгон окуучуларга, чоң ийгиликтерге жана жаркын жетишкендиктерге толсун!