Келечектеги тарбиячынын космостук саякаты

ЖАМУнун Педагогикалык колледжинин "Мектепке чейинки билим берүү" адистигинин МЧББк-2-23 тайпасынын студенти Мускул кызы Гулина мамлекеттик практикасынын алкагында "Космоско саякат" аттуу өзгөчө ачык сабагын тартуулады.

Сабактын негизги өзгөчөлүктөрү: Интеграцияланган усул: Сабак математикалык түшүнүктөрдү калыптандыруу менен балдардын дүйнө таанымын кеңейтүүнү айкалыштырды. Чыгармачыл конструктордук иш: Геометриялык фигуралардан ракета куруу аркылуу балдардын логикалык ой жүгүртүүсү жана мейкиндикти багыт алуусу өнүктүрүлдү. Интерактивдүү тапшырмалар: Студент "Космостук судоку" жана "Планеталар парады" сыяктуу инновациялык оюндарды колдонуп, балдардын сандарды иреттешине жана салыштыруусуна жетишти. Заманбап көрсөтмөлүүлүк: Күн системасынын моделдери жана аппликациялык усулдар сабакты кызыктуу жана эсте калаарлык кылды

Мускул кызы Гулина сабак учурунда балдар менен жылуу байланыш түзүп, алардын активдүүлүгүн жогорку деңгээлде кармай алды. Сабактын жыйынтыгында кичинекей "космонавттар" Күн жана Булут символикалары аркылуу өз билимдерин баалап, "Эң мыкты космонавт" наамдарына ээ болушту. Бул иш-чара ЖАМУнун педколледжинде заманбап стандарттарга шайкеш келген, чыгармачыл жана компетенттүү кадрлар даярдалып жатканын дагы бир жолу тастыктады.