Педагогикалык билим берүүнүн жаңы горизонттору: ЖАГУда теория менен практиканын биримдиги

Жалал-Абад мамлекеттик университетинде үзгүлтүксүз кесиптик билим берүү модели ийгиликтүү ишке ашырылууда. Педагогикалык колледж менен ЖАГУнун Инновациялык мектебинин ортосундагы тыгыз кызматташтык келечектеги башталгыч класстардын мугалимдерин даярдоо үчүн уникалдуу билим берүү чөйрөсүн түзүүгө мүмкүндүк берет.

Билим берүү комплекси форматындагы иш алып баруу студенттик партадан реалдуу мектеп тактасына чейинки «үзгүлтүксүз» өтүүнү камсыз кылат. Мында окутуу менен практика катар жүрөт, бул студенттерге усулдарды окуу китептеринен эле үйрөнбөстөн, аларды окуу процессинде дароо колдонууга шарт түзөт.

Ушул күндөрү Педагогикалык колледждин БКМб-2-23 тайпасынын студенттери Джурабаева Мадина, Ибайдуллвева Муниса,  Маткаликова Асема    жана Токтосунова Мээрим ЖАГУнун Инновациялык мектебинин базасында мамлекеттик практикадан өтүп жатышат. Келечектеги педагогдор үчүн бул маанилүү этап, анда алар тажрыйбалуу насаатчылардын көзөмөлү астында кесиптик алгачкы кадамдарын ташташууда:

• Заманбап стандарттар боюнча сабактарды өткөрүүдө;
• Класс менен иштөө усулдарын өздөштүрүүдө;
• Мектептин класстан тышкаркы иш-чараларына катышууда.

Бирдиктүү комплекс алкагындагы такталган иш студенттерге заманбап мектептин талаптарына тезирээк көнүүгө жана өз эмгегинин жыйынтыгы үчүн жоопкерчиликти сезүүгө жардам берет.

Адистерди даярдоодо сапаттуу методикалык коштоо негизги ролду ойнойт. Педагогикалык колледждин методисти Тобокелова Саламат Инновациялык мектептин жамааты менен тыгыз байланышта иштеп, колледждин бүтүрүүчүлөрү толук кандуу даярдалган адис болуп чыгышы үчүн бардык шарттарды түзүүдө.

«Колледж менен мектеп бирдиктүү организм катары иштегенде, эң биринчи кезекте студенттер жана келечектеги окуучулар утат. Биз ар бир практикант программаны өздөштүрүп эле койбостон, өз кесибинин терең социалдык маанилүүлүгүн түшүнүп, аны сүйүүсүнө умтулабыз», — деп белгиледи Инновациялык мектептин окуу бөлүмүнүн башчысы Тыныстанова Гулида.

Методисттердин жана практик-мугалимдердин биргелешкен аракети ЖАГУга заманбап билим берүү чакырыктарына туруштук бере алган, атаандаштыкка жөндөмдүү башталгыч класстардын мугалимдерин даярдап чыгарууга мүмкүндүк берет.