"Нооруз - жаңылануунун жана достуктун майрамы"

Нооруз — көптөгөн чыгыш элдери белгилеген байыркы жана маанилүү майрамдардын бири. Педагогикалык колледжинде тарбиялык сааттар ушул майрамга карата уланды. Кыргыз элинде Ноорузду тосуп алуу өзгөчө мааниге ээ.

Нооруз майрамы тууралуу студенттер үчүн тарбиялык сааттарды өткөрүүнүн негизги максаты — жаштарга улуттук салт-санааны, маданиятты жана тарыхты таанытуу. Бул иш-чаралар аркылуу студенттер өз элинин бай маданий мурасын жакшыраак түшүнүп, аны урматтоону үйрөнүшөт.Ошондой эле мындай сабактар жаштарды адептүүлүккө, бири-бирин сыйлоого жана ынтымакта жашоого тарбиялайт.

Мындан тышкары, тарбиялык сааттарда улуттук каада-салттар, салттуу тамактар, оюндар жана маданий иш-чаралар жөнүндө маалымат берилет. Мисалы, Кыргызстан элинде Нооруз майрамында сүмөлөк бышыруу, элдик оюндарды өткөрүү жана майрамдык концерттерди уюштуруу салтка айланган.Жыйынтыктап айтканда, Нооруз тууралуу тарбиялык сааттар студенттердин улуттук аң-сезимин өнүктүрүп, өз маданиятын сүйүүгө жана сактоого үндөйт. Мындай иш-чаралар жаштарды патриоттуулукка, ынтымакка жана маданий баалуулуктарды урматтоого тарбиялайт. Жогоруда айтылган баалуулуктарды тарбиялык саатта көргөзмөлүү жана жеткиликтүү кылып,өз тайпалары менен  кураторлор  Нурмамат кызы Дилде, Анвар кызы Гулбу, Исраилова Нускайым, Кыргызбаева Айсулуу, Шамшиев Канат уюштурушту.